.
صباح اللطافة
صباح الحب
<<كيفني وانا كده :r-q-7:
المهم وحشتوني <<قولي والله سمو.؟
:اي والله امس كنت مرة مرة هاجدة
لازم اليوم م اكون هاجدة ترى :r-q-7:
المهم والله كان ف بالي كلام ونسيتو
قولولي اش كنت بقول .؟
امزح والله اذا افتكرت بقول ان شاءالله
بس حلو ان تصبح ع الناس الي تحبهم بحب
وبس والله
:
افتكرت ..
لي كم يوم ف بالي عبارة او كلمة "
شغف"
قاعدة ابحث عن شغفي
من 5 شهور تقريباً..
بس هاليومين بزيادة ...
امس شفت مجموعة خيوط تعرفوها خيوط الصوف .؟ والنوع الخفيف .؟
انا شفت الخفيف
وافتكرت قبل 11 عام وعمري 12 كنت مجنونة ع اساور اليد
https://j.top4top.io/p_18076k6rj1.jpg
زي كده
امس تأملت الخيوط ورجعت فيني الذاكرة للوراء
يوووه كنت مجننة الي حولي
لدرجة كنت ف سادس الترم التاني م اركز ف الحصص
كنت احط الخيط ع طرف الطاولة فيه علاقة
واقعد اسوي اساور
لين مرة قفطتني معلمة وعصبت مني وودتني للمديرة
بس تعرفوا اش سار.؟
المديرة والوكيلة شافوا الاساور الي عملتها ومدحوها وانو دا كلو شغل يدك.؟
قلت ايوة ..
اقترحوا عليّا اني اسوي ورشة تدريبية للبنات
واعليهم كيف يسووها
وطبعاً هالورشة كانت منوعة ..بس كان لي قسم خاص فيني
<<احس الابلة ندمت انها بلغت عليّ..
وفوق كده المديرة كانت تقلي اشتغلي وبيعيها
وفعلاً والله كنت ابيع الحبة ع 5 واذا صعبة واخدت جهد زيادة ارفع ع 7 مثلا <<كريمة من يومي الله يحفظني
وامس فجأة قررت اسوي اسورة لأختي الصغيرة هدية مني
ورغم اني مرة ناسية الطريقة
بس مجرد مابديت اقص الخيوط رجعت لي الطريقة
افتكرت اول نوع من انواع الاساور ..
واحس مبسووط مرة والله
العرض العادي
