صورة وأبيآت شعريه

[‏عآزفّ النّآي]

يا خصرهــــــآ كنه خصر بــــــآقه أزهـــــــــآر .. سهل على خمس الأصـآبع تضمه
والصدر من ضمه نسى غض الأنظار .. لو تحضنه تبـطـــــي الســــوآعـــــــد تلمـه

[‏عآزفّ النّآي]

بنت العرب لابسه فستان من بينهم صاير شاره
اصفر جديد وبه نيشان زاهي علي الصدر بأنواره
يابو دعايم كما الرمان الرجل من سبتك حــاره
مقبول ياقايد الغزلان بأرض ٍ زهت طلع نواره
ياطربتي مطرق الريحان يامنوت الروح واخطاره
ياقبلت الله علي الاعيان لك مبسم ٍ در محاره
من سبتك بت انا سهران والعين عن غيرك انداره
يقولها راعي النيسان يذكرك في لفة الطاره

عاقل المجانين معجب بهذا

[‏عآزفّ النّآي]

أحب شوف الصحاري وأبغض الديره
ماني من اللي بوسط المدن قعّادي
البَرّ هو منوتي مالي هوىً غيره
أحب شوف النفود وشوفة الوادي
وأحب شوف الربيع إليا سجع طيره
فيه أم سالم تجرّ الصوت وتنادي

[‏عآزفّ النّآي]

الا يا نجـوم الليـل لـو غابت القمرا................ فـلا بـد ما تطلع تنـوّر ليالينـا
ولا يا خزامى نجـد لو جفت الصحرا........... فـلا بـد ما تمطر وتـروي مفالينا
نشوف الزبيدي والنفل واصفر الزهرا.......وترتع بها الغزلان من حورها العينا
حبيبي جزاه الله جزاني الجزا المـرا........وانا اللي جزت عيني بهجره يجازينا
انا ادري وهي تدري وذاك الهوى يدرا....... ولو كان من بدري فـلا هي تدارينا
حبيبـي سألتك بالـذي نـزّل الفجرا...............هو الحب ذنبي يوم تفرض تجافينا
تعـالي وحسي قلب مجروح بالهجرا.........وش اللي حصل ياحب تنسين ماضينا
رضعت الطفولة حب وأسقيتها الفخرا............. لغيرك فـلا والله بالحب يغرينـا
حكمتي تحكمتي وحكمـك عليّ امـرا.............وانا العبـد يتعبـد بمحراب داعينا
سحرتي وساحرتك وبعض العشق سحرا.. وانا اللي بسحرك صرت مثل المجانينا
تعالي حبيب الروح نحلم على الذكرا.............. نسامر نجـوم الليـل والليل يخفينا
تعالي نشوف سهيل ونجـوم بالمكرا.......... تحاول عبث تطفي الفـرح في مآقينا
يبون القمر يخسف يبون الشجر يعرا............يبونا نعـدل "قل هـو الله" و "آمينا "
جيوش العهر سارت تبي تهدم القبرا................وحبـك بقـلبي انقبـر بالشرايينا
تعـالي نسل سيوف من حرفنا تقرا.............. ونكتب بكل الفخـر ياناس حبينـا
نسلم على القمـرا نقول الوعد بكرا..................وننطر متى بكره لعـله يـلاقينا
الا يا حـروف النصب والنسخ والجرا......... متى ينتهي الإعـراب ضاعت أمانينا
ولا يا رمـال الشوق في البر والبحرا........... تعـالي وضمي ما بقي من خطاوينا
تعـالي نعاهـد نوقف المـد والجزرا................ نسلم على القمـرى تثبت مراسينا
سرت بي هواجيس الحزن مدري المسرا.......... ومرّيت بصرا ثم الاسرا ولاجينـا
وهاجت جيوش اليأس وانظر الى كسرا......... وارجع لماضٍ فات روما وحطينا
وسلمت عل قمرا وقلت الـوعد نصرا..............فـلا بد ما نفرح يجي يوم يحيينا

[رسم]

،.


،.

في زحام المغريات وليلها المتمادي
‏من ترك لله شيءٍ عاضه أبرك منّه

‏يالله أعصم من محابيل الحرام فؤادي
‏عصمةٍ تاخذني بيمناي لين الجنّة

‏ياعظيم الملك وأنت المستعان الهادي
‏باب جودك جعل مانيب محجوبٍ عنه

‏كلّ ظنٍ في سواك من الخلايق غادي
‏وأنت عبدك عند ظنّه لا أحسن بك ظنّه..!

[رسم]

،.



،.

لا تقول أحبك .. لا تقول
‏عالي السّكوت ما أسمعك..