مواصفاته :
1-غدار فِ الخوه
يأخذك ع اساس مشوار رايق ويباغتك بمشوار ملعون خير
او ع اساس عازمك وينكبك ف اخر لحظه انك تدفعين وهو ينقش ضروسه :)
2- يحب ترويع المسلم
يكب مويا باذنك ويصارخ تراك غرقتي بسرعه قومي
او يكب مويا ع وجهك ويصارخ حريقه حريقه
او ياخذ الولاعه ويولع برجوك
او يكتمك بالوساده وهو يشاهق
هاذي اساليب يقومك من النوم فِ وقت غلط
مثلاً الفجر او قبل الفجر :)
اذا كنتِ بررا ومبسوطه عادي
يرسل لك من جوال احد بالبيت
انه تعالي بسرعه الحقي مصيبه
او يرسلك من جواله صاحب هـ الجوال سوى حادث وبغيبوبه
وهاه بعدين يقفل الجوال
وي الله ع م ترجعين البيت وانتِ دمك ناشف ودموعك مغرقه الارض
الا هو مرتز
م فيه الا العافيه
بس يبيك تجين عشان تكملون مسلسلكم مع بعض او تسوين له شئ يحبه :)
3- عليه خفة يد ماشاء الله
اذا فقدتِ اي شئ اعرفي انه عنده
حتى لو تقفلين غرفتك
الا ويتصيد فرصه ويزرف من العطور والا الثلاجه
والا شواحن او ايباد
اللي هو :)
4- خاين للوعد
عادي تسافرين معاه ويسحب عليك ويقفل الغرفه وينام ويخليك ملطعه برا
وتكلمين احد يفتح لك
عادي تتوواعدين معاه ع شغله ويسحب ع ام امك :)
5-مشاعره معكوسه
يحب يبكي الاطفال ويخوفهم
عادي يجمعهم بغرفه ويطفي اللمبات ويلاحقهم بالظلام
والا يقعد يقول امك بابيعها بالسوق ويجرجر الام معاه وين م راح
والبزير يجاغر وراهم :)
6- يموت ف الحليب
اذا تبين تجيبين راسه
سوي له ترمس حليب بالهيل او حليب عدني
واخذي فرصتك والعني خيره ب الطلبات
( الشئ اللي يشفع له ع جميع م سبق )
.
العرض المتطور
