مو مقتنعه أن فيه أشخاص شخصياتهم ما تتغيّر أبد
هم كيف راضيين عن أنفسهم يتمسكون بصفات بشعه ومايتخلون عنها؟
رغم المواقف السيئه والمشاكل اللي تحصل معاهم
اللي المفروض تجعل منهم -شخص آخر-
أو بمعنى أصح -شخص أفضل- مما هم عليه ،
لكن يصّرون على الأستمرار بالشخصيه السيئه والمؤذيه،
يأذون اللي حولهم ولا يبالون و عايشين حياتهم على هذا النمط،
عايشين بلا ضمير ،
وما يتعاملون بأسلوب مهذب و لطيف الا مع المؤذيين أمثالهم
لأنهم يتشاركون نفس الصفات ويشجعون بعض
على الأذى ، لذلك الظالم يحب الظالم مثله
الشيء الوحيد القادر على تغييرهم -حسب نظرتي-
الابتلاء بمرض يجعلهم يحسون بالموت
غير كذا لا يمكن يتغيرون لا بالنصيحه ولا بالمواقف
ولا حتى بموت شخص عزيز.
فيني هوس "التفاصيل" بالسوالف
رغم إني أحاول أتخلى عن هذي العاده وأختصر
إلا إني الآقي نفسي أذكر تفاصيل هامشيه وغير مهمه،
و هنا يطول الحديث رغماً عني،
كثير من الناس مايتقبلون الإطاله بالسوالف
ويفضلون الإختصار
أو بمعنى آخر يبغون "زبدة الموضوع"
دون الخوض بتفاصيل أعمق
لأنهم ما يجدون أي أهميه للكلام اللي "ماله داعي"
و طبعاً معاهم حق ولكن انا أحب هذا الأسلوب
و أحب ذكر التفصيله الصغيره قبل الدخول بعمق السالفه
و قبل حتى أعرف الجزء المهم منها،
سرد التفاصيل "متعه" بالنسبة لي.
.
العرض العادي
