آطررربيَ يً نفسسَ و سـويَ مـآ تبينَ ....~

[فـهـد]

صباحكم ورد 🌸
وكل عام وأنتم بخير
وتقبل الله منا ومنكم صالح الأعمال

قبل فترةةة ،،👋
جتني بنتي تشكي "بابا قلبي يعورني"😩
قلت يمكن طقه او نومه غلط
ويوم شفتها مواصلةة تشكي اخذتها ع مختبر معروف
حللتها باقة إطفال وأنتظر النتيجةة .. وطلعت النتيجةة .
وربي جاني صدمةة من النتيجةة
الكلسترول الضار مرتفع بالأحمر h 👉
الكلسترول النافع نازل بالأحمر l 👉
الكلسترول العام مرتفع بالأحمر h 👉

المصيبةة بنتي مثل الريشةة وزنها مرهً نازل 😵‍💫
أخذتها لمستشفى الحبيب بتأكد وحللوها وطلع فعلاً

السبب :
المطاعم والبقالات والحلويات والإجبان السائلةة وغيرهً😡
ولا فيه حركه زايدةة عشان الحرق كلها من الإجهزة ما بين إيباد وتلفزيون

" والعيد ع الأبواب "
نصيحةة أخويةة إنتبهو لإطفالكم قبل فوات الإواان
الدكتور قال كلام يخوف وحالات بأزدياد بين الإطفال كلسترول وسكري

< قالب ديكتاتوري حالياً بالبيت😡
إكل صحي فقط وكل الخرابيط رميتهااا
ونظام رياضي وتمارين وهرولةة
واللي يقهر ……..
حللتها امس قلت نشوف وش صار
بعد الحميةة والرياضةة وطلع زايد ابن الذينا أكثر🥴


عسى ربي يحفظها لي من كل شر
ويطول بعمرها ويشفيها ويشفي جميع مرضى المسلمين
ويصلح لنا ولكم النيةة والذريةة

::: والنهايةة وربي م كتبت الا تنبيه لكم حتى ما تعانون مثلنا
الان إبتلشنا في سالفه إكل صحي الإطفال صعب صعب يفهمون هالأمور :::


دمتم بود 🌹💕

خفايآ روح~•• ,شـ♞♜♕ـطرنـج ,وردة معجبون بهذا

[فـهـد]

طاب بكم العيد ودُمتم لأحبابكم أعيادًا وفرحةة بلا فقدّ ولا حُزن..

‏َ
‏وكُل عَام وأرواحْكم في فَرح 🌸

شـ♞♜♕ـطرنـج ,وردة معجبون بهذا

[فـهـد]

بما ان حبايبي راحو لخوالهم في محافظةة رماح
وخلوني لحالي قررت ارد الصاع صاعين 🤣

خميت الشنطةة وشلت كم تيشرت وشورت
وكلمت 3 فقط من الشباب والعصر بنمشي
وين ما ادري إلى الآن ما صملت ي الدوحة يً المنامةةً
بالطريق نقرر 😂

< لخمت العيال ولخمت نفسي قبلهم
رجلي تحكني متوحم ع البحر

شـ♞♜♕ـطرنـج ,وردة معجبون بهذا

[فـهـد]

ربعي اظاهر يبي لهم شيخ يقرا عليهم كلهم
قلبو أسـود مب أوادم
شفتو احد بصباح العيد الأول
الساعة 8:30 وتاكين على مفطح 😩
الله يديم النعمةةة
نعنبو ام المعدةة اللي كذا
والمشكلةة المعزب يحلف ع الطلاق تقوم
< قاعد مع الرجال ع الصحن معطيها وضعيه المزهريةة
عجزت اكل مب قادر اتقبل مفطح صباح

< جميع عزايم الفطور عند الربع سيفون
الفطور الأول درس 🙃


#فضفضةة_سهران

شـ♞♜♕ـطرنـج ,وردة معجبون بهذا

[فـهـد]

مساء الورد لزوار مدونتيً 🌹

علومكم طيبين

اليوم مدري وشسالفةة
السناب عندي انهبل رسمي انواع الإضافات اعداد كبيرةة
ولا أعرفهم ولا أدري من وين جو وشلون عرفو سنابي🤨
علق من الاضافات كل م جاء طلبات اعطيهم رفض
كوكتيل شباب و بنات .. الله لا يحييهم

مب عارف السبب اللي صارت معه يفزع لي 🥹

كأنهم عارفين طبعي أكرهً الإعلام
حتى سناب القبيلةة اذا جاء يصور بالمناسبات هجيت

الله يقروشهم

شـ♞♜♕ـطرنـج معجب بهذا

[فـهـد]

ومضةة::

المؤمن لا يلدغ من الجحر مرتين
قبل فترة قردني الله وفتحت رابط خارج المنتدى
وبعدها م اشوف الا رسايل من البنوك
< بغى يوقف قلبه ووقفت كل شيء

لذلك يً طويلة العمر
قبل فترة أرسلتي رابط بالخاص يوم كنت مفعله ترا ما دخلته
والحين اشوف رابط بالتقييم وبرضوهً ما دخلته
اللي براسك هاتيه كتابياً وأبشري من عيوني 🥸

حتى أخوي روابطه ما أدخلها
يمكن الواحد يضر غيرهً بدون قصد
وما عندي استعداد القم خابور جديد

وسلإاااامتك 🤝

شـ♞♜♕ـطرنـج معجب بهذا