صورة وأبيآت شعريه

يامؤمن الريفي انـا جيتـك زبـون
جيتك علي مدح اكثر الناس وعنيت

جيت وتعالـى الله عمـا يشركـون
لولاه يا مؤمن لطبـك مـا أهتديـت

راضي بحكم الله علي مهمـا يكـون
عالج عيوني لو بعد طبـك عميـت

ودي أخاشر في البصر من يبصرون
وأشوف دربي لاسرحت ولا ضويت

والاِ قنصت اثبت مع الـي يثبتـون
وأشوف طيري كل ما أوميت ودعيت

ياكثر مايضـرب خويـي الطبلـون
من كثر ما أكلتـه مطبـات وكليـت

ودي أشوف الِي علـي يعْرضـون
وبعض الليالي ودي أسري دون ليت

وأشوف ناس في القفا مايرحمـون
أمـا وقفـت لصاحبـي ولا مشيـت

من دون نظـاره ولاهـم يحزنـون
ياكثر ماكسـرت كشمـات وشريـت

لاكْـن يادكتـور جعلـك ماتـهـون
ابغيك كلمـه راس دامـك مابديـت

أسمع ولا أبغي الي وزانك يسمعون
ربي كتب يكشف لك اسراري وجيت

صوره عديل الروح عندك في العيون
وأخاف تقطعها بموسـك ماوعيـت

ولا عليك امر اطوها تحت الجفـون
وعقبه لو تقطع عيونـي ماشكيـت

هي راس مالي والعرب مايدركـون
أني علي باب الممات ومـا حكيـت

ياقـو قلبـي يـوم قفْـن الضعـون
ألـي علـي ذاك المـوادع مابكيـت

وياصبر صبري والعواذل يحسبـون
أني دلهت مـن الهـواا ولا سليـت

أسكت عساهم من سكاتي يسكتـون
وأنا عن اِلي في ضميري ماأنتهيـت

أدور الفرحه معـا اِلـي يسهـرون
وأن ذكروني خذت فنجال وسريـت

أخذت من وقتـك يادكتـور العيـون
عالج عيوني لو بعد طبـك عميـت

وأستر علي واِلي معـك لايفطنـون
أنت الوحيد اِلي بعـد ربـي دريـت

بـِعضي رمآدْ وكآن بـِعضي شقآوهـ
أصبحت جِثة عآيشه دآخلي روح ْ !
طفله ولآ_ تَغري شِفآهي حلآوهـ !
أكبرْ و يكبـر دآخلي موطن جـروح !!

الزمـآن اللي جمعنــآ ,, صعب نلقى له بديل !!
مايهم كيف إجتمعنــآ بس نرضى بالظروف
من يحبك يعرف انك للوفــآ ~ ~ معدن أصيـــل
يعرف انك حــــب صـادق جآمــع كل الوصوف

أشواقنا ماتت على كفّ غيبتك !! .. وأليـآ توفىٰ ألشوق مـآتت طواريك
وأللهفه إللي تنتظــر يوم جيّتك .. ألحيـن خذها مابيها ولا أبيك !!

شهوده معجب بهذا

وفرعٍ يغشي المتنَ أسود فاحمٍ
أثيثٍ كقنو النخلة المتعثكلِ

المتن: الظهر
فاحم: شديد السواد
أثيث: كثيف
قنو: عذق

امرئ القيس

يَـآ المدينه , علميني كيف اكون
حيّ " فيك " و كل مــــآ فيني فنــــآ
ان دخلتك صرت أدوِّر بك عيون
وان تركتك صــــــــرتّ أدوِّرنـــــــي أنــآ
الظهر مليـــــــآن من وقتي طعون
و الصدر مليـــــــآن غِيَّآب و عنـــــــآ