رد: بين الرجا والبوح والدمع وآمين ربٍّ كبير .. و باقي العالم صغار .
والله العظيم أيقنت وآمنت بأن ابن آدم ضعيف حتى فِ أصغر أصغر الأمور
قبل نص ساعة
نايمة لمو عندي وأنا صاحيه
أفرغ مَ بداخلي
بدفتر عندي مسميته ( صندوقي الأسود)
لأن الأيام ذي النوم عندي استثقله
ف فجأه قعدت تبكي وهي ع نفس وضعيتها لكنها صاحيه
قربت منها وأحاول أهديها وأسمي عليها وأخليها تسمي
وهدت شوي
دقيقتين
وقعدت وهي تبكي من دون صوت عالي وبُكاء مخيف عمري مَ شفتها تبكي كذا
وغير كذا مو قادره تتحكم بفمها وريقها
تخرعت والله
قعدت أنتفض من رأسي لاصابع رجولي
وأجي لمها
لموو شفيك
ردي شفيك
تخيلوا ع نفس وضعيتها
وتقول مدري
مدري شفيني
والله العظيم حسيت قلبي بيوقف
حسيت أن الرئه عندي تيبست
أفتح اللمبات وأشيلها
لمو شفيك
أنتِ تتحلمين
وهي ع نفس الوضعيه
وأحطها بحضني وأحاول أشربها مويه وارش وجهها .
وهي تقول رهوفه رهوفه وتعض ع اصبعها بقوه وهي ع نفس حالها
واشيلها بسرعه واطلع الصاله واجلسها شوفي أنت تتحلمين رهوفه نايمه من زمان
ع صوتي طلعوا خواتي واخواني
شفيكم
هي هنا شافتهم سكتت وقعدت تبتسم وقالت خلاص امشي ننام
وتتخبى بحضني وامسكها فيه شئ يعورك قالت لا
أنا خارت قواي
ناديت وحده من خواتي تأخذها شوي
والله قعدت أنتفض
تقول جالسه بقالب ثلج
لدرجة واحد من اخواني يمسك رجولي ويقول مافيها شئ
والله أنهرت انهيار مو طبيعي
الموقف يخووووف يخوووف
والى الان أنا مقابلتها وهي نايمه
وكل شوي أتطمئن عليها
أحس قلبي فيه خفقان الى الان
مو راضي يهدى
واسترجع الموقف كله
وقعدت أردد يَ ضعفنا ضعفاه
والله لو نملك اللي نملك من اموال ومتاع الدنيا كلها هباءاً متثوراً
موقف نفس كذا مَ ملكت ولاشئ ممكن يساعدها
ولاشئ حرفياً
كنت عاجزة
.
العرض المتطور
