رســـآلُــہ شُـــعـــريَــہ ....

[أمل]

تحايل مداي و ملّ طرش الهوى و اِنقاد
وش العذر لو ما مرّت عيونك فياضي

تساقيت جفنك يوم عاد السنين جهاد
لكن المسير أشد من "لفحة اللاظي"

لو إني قدرت أسج عن وجهك الوقّاد
ما خلّيت روحي في يدينك و أنا راضي !

شـ♞♜♕ـطرنـج معجب بهذا

[‏عآزفّ النّآي]

غالي ولك بالقلب شي ومخفيه
اكبر من اللي بالضماير تهقوآه
في صدتك قلبي ترى الهم صاليه
واسهرت ليلي بين ونه وويلاه
البارحه طيفك مع الليل احاكيه
يشهد علي الليل والنجم يصغاه
والحزن فوق القلب والهم مقفيه
وليلي غدا ليلين والصبر مقواه
ياللي حرقت القلب منهو يطفيه
النار نارٍ تتعب القلب واحشآه

[شهد الروح]

إيه انا محتاجك بـ لحظة عناق
كثر ما صدري من غيابك شكا
البكا ، آخر حدود الاشتياق
والله إني اشتقت لك لين البكا

[‏عآزفّ النّآي]

جرح الهوى بالناس ما هوب ينشاف
لا شك جرحك يا أريش العين بي شيف
من قبل أعرفك يالغضي مابي اخلاف
ومن عرفتي لك شفت سبع التخاليف
شرّك علي يا زين من بد الأسلاف
همّك بقلبي نشّف الروح تنشيف
صارت ضلوع القلب عيدان صفصاف
عليك ما تنطح هبايب هوا الصيف
أوجس بقلبي لك تِقل ضرب ندّاف
عندك خبر وش لون ضرب المناديف..؟

[سما]

‏«

وسط ذاتي عشت مالي غير أنا خل ونديم
‏والحقيقة ما لقيت أحلى من أعماقي وطن

[أمل]

يابقايا ضحكي المسروق من ليلة عيادي
‏للأماني شرعي بيبان صدرٍ طق جوله

‏جامليني لين يطغى من على حزني عنادي
‏ماخسرت الحرب باقي لي من الوقفات جوله

‏كل ذكرى جابها طيفه من البارح تنادي
‏هبها ريح الشمال وجات بالدمع معلوله

شـ♞♜♕ـطرنـج معجب بهذا