اكتب بيت شعر على اخر حرف قصيده الى قبلك

[‏عآزفّ النّآي]

هزيت حدب الضلوع وجابك الطآري
وحبآل الافكار . . محلوله و منعقده !
شعوري اني بدونك ، محّور افكااري
شعور دآيم يمرّ , واحسآس مفتقدهـ !

[علي]

هافي حشا أدعج غنج مبسمه ذوق
صافي خفا طابع هروجه لباقه

اللي مكانه داخل القلب مرموق
وحده بقلبي ما يلاقي رفاقه

افرش له بصدري مع الشيح زملوق
وأحدّد بروحي وقلبي نطاقه

دم الغلا فالقلب للروح مدفوق
والقلب زايد من عناه اشتياقه

قدره على راسي رقا وأعتلا فوق
زودٍ على حبه ملكني صداقه

والله ما غيره من الخلق مخلوق
أعشق وصاله وأرتشف من مذاقه

غيره يجي ويروح ما رف له موق
عيني لغيره لو تناظر حماقه

ما نيب ألوّح في هوى كل غرنوق
يكفي من البستان فالورد باقه

نظمت أنا ذوقي على كم طاروق
غيره فلا أبغى لو يزود احتراقه

لاتحسبني في هوى لابس الطوق
أرضى أكوّن يا رفيقي علاقه

- راكان السبيعي

[‏عآزفّ النّآي]

هذيّ تفآصيلْ العمرْ وسطْ الأجفآن

صوّر و أمآكــنْ . . في عيُونــــيّ تجيــــــنيّ !

[علي]

يالله لك الحمد ولك الفضل والمنه
يامن فضايلك لاتحصر ولاتحصى

طالبك تنصر هل القرآن والسنه
وتحرر من اليهود المسجد الاقصى

عبدك لياظن بك مايختلف ظنه
ياغافرٍ ذنب من يذنب ومن يعصى

من حسن ظني بك اني بادخل الجنه
وان مانصيتك بهالمطلوب من بانصى

- سعود الدهيمي

رسم معجب بهذا

[رسم]

،.

أرتوي من عز نفسي .. وإنفرادي
ولا سألت الغيم .. عن برق ورعد

غيمتي راسي .. ومرباعي فؤادي
وما يقل الفيض .. لو طال الأمد

في غيابي بأس .. وعنادي بلادي
وفي حضوري .. يغترب مني بلد

رافع قدري .. عن قصار الأيادي
فوق عَرشٍ .. ما يطوله " أي أحد "

من بغاني .. سقت له عذب الودادي
ومن تركني .. قلت له : درب السّعد

عبداللّٰه السرحاني

،.

علي معجب بهذا

[‏عآزفّ النّآي]

دايم توضح لي عن الحب والويل
وانك معي ياصــــآحبي مثل ظلـي
افهم وانا بعطيك كل التفاصيـل
ما ابيــــــــك مثل الظـل ياكــل كلــــــي
اخاف لا دن الدجى واقبل الليل
يغيب فيه الظل و يغيـــــــب خلـي
ابيك مثل الروح ياصفوة الجيـل
عشقٍ بلا زيف وخداع وتغلـي