اكتب بيت شعر على اخر حرف قصيده الى قبلك

[علي]

هذا يقول افلان ماعنده أحساس
وهذا يقول فلان راعي خطايا

كلام فاضي مايثبّتْ على ساس
ماغير هرجٍ فيه كذب وحكايا

واقول بعض الهرج مافيه نوماس
مايقبله رجلٍ كريم السجايا

- سعود بن عايد

رسم معجب بهذا

[علي]

أكبر من الحب صاحب تكبر بعينه
واعذب من الشوق خلٍ تنتظر شوفه

واقسى من الظلم سيف البعد وسنينه
وألا مشاعر حبيبٍ تحترق جوفه

- حمدان بن مقحص

رسم معجب بهذا

[علي]

هذا النصيب وحكمة الله باللوح
اباك وانته ياحبيبي تباني

لكن قدرنا فرق القلب والروح
شكواي لله ياظروف الزماني

- إبراهيم السلمي

رسم معجب بهذا

[علي]

يا الله انا طالبك يارب يا حي
يا خالق الانسان من نطفة المي

يارب يامنشى المزن والسحايب
يامرسل الظلما ويا مرسل الضي

لا تردني يارب مكسور خايب
انا بدونك يا آلهي ولاشي

رحمتك لاحطت علي النصايب
مودٌع الاصحاب والاهل والحي

ولاعاد ينفعني صحيب وقرايب
والصحف تطوى وسطها اعمالنا طي

يا الله تغفر لي وانا جيت تايب
من ذنب اكبر من جبل شمر وطي

يا الله ياجزل العطاء والوهايب
يامخرج الميت ويامخرج الحي

- حمدان بن مقحص

رسم معجب بهذا

[علي]

https://a.top4top.io/m_37614wj0u0.mp4

- فهد العدواني

رسم معجب بهذا

[علي]

ياللي تدوّر من ورى الشعر جمهور
اسمح لي اهديلك مجرّد عباره :

افضّل ابقى بين الآلاف مغمور
ولاظهورٍ مايسرّ انتشاره

أما قصيدٍ ينبض احساس وشعور
وألا بلاش من الشعر واحتكاره

حتيش لامن صرت بالشعر مشهور
يالعنبو الشهره بليّا نعاره

مثل الذي يتعب على بنية السور
والسور خالي مابوسطه عماره

- راكان السبيعي

رسم معجب بهذا