مشاركتي : فعالية مستلزمات التصميم : Spirit of challenge

[أماريلس]

لازم نشكر أمواج اللي فعاليتها طلعت الجزء المخفي
دائمًا لاحظت تتجنب تظهر مهاراتك التصميمية
لكن الآن نافستنا بقوة
بس حقيقي من ساعدك؟

عمومًا التصميم جدًا جميل، بسيط لكن أنيق
فكرة إنه ألوانه أحادية جعله مميز
حركة اللون الأخضر تجذب الانتباه أيضًا
وتنفع تصمم بوستات وكذا، نافس الجماعة زين
وأخيرًا أريد أجرب وظيفة في شركتكم
أحسها كريمة وما نكدية، وكذا

أمَوآج آلشَرقَيهہْ♥ ,نايف معجبون بهذا

[‏نايف]

	المشاركة الأصلية كتبت بواسطة أمَوآج آلشَرقَيهہْ♥

	والله محد يبيله طخ وطيخ إلا أنت هههههه .. وكف على الطآير كمآن بلآه هذآ اللي قدرت عليه .. خآمتين وصوره للآسف مشآركتك مو مستوفيه للشروط .. المسموح الاستغنآء عن ملف وآحد فقط .. وآنت آستغنيت عن ثلآث ملفآت طيرتهم من مخكك .. -

انتي ليش معصبه الحين ومتفلته علي
كف وطيخ وطاخ وملحقاتها
مو قلنا ان كل زبون نعطيه سلة نفايات مع التصميم
عشان اذا عصب يرمي التصميم فيها ويتفل عليه
خذيلك سله وزتي ابو التصميم فيه وريحي مخك

انا صراحه ماتعمقت في الشروط ولا كانت مشاركتي
بهدف المنافسه فقط كانت من باب الدعم للفعاليه
مو اكثر

	رآح آحسب لك المشآركه بس عشآن آحب الصوصآت هههههه .. و للآمانه التصميم حلوو ولمسآتك فيه مميزه .. عجبني كيف حولت الصوره لـ رمآدي تآثير اعطآها وضوح آكثر .. التصميم كآنو غلآف لـ مجله حبيت الإضافات الشغل اللي مسويه .. تسلم الإيادي وفآلك الفوز وتم الختم - 200 نقطه .. ويثبت الموضوع لحين إنتهآء الفعآليه ..

تعميها وتكحلها ..
مشكوره ياستي ع الاطراء وكرم العطاء
وراح نهديك من شركتنا الرائده في كل المجالات
من فرع التصميم المطبخي
مجموعة صوصات فاخره تليق فيك
وشكرا لحزرتك على اقامة مثل هالفعاليه المميزه

أمَوآج آلشَرقَيهہْ♥ معجب بهذا

[‏نايف]

	المشاركة الأصلية كتبت بواسطة نُكران

	اعجبني التصميم جدا كل شي فيه متناسق وجميل حقوق غلاك كتبتها بطريقة مميزة روعة التصميم يعطيك الف عافية

الله عليك نكران
ياخي تعال ابوس راسك
انسان ماتحب تحطم احد
واسلوبك فاخر في الدعم
اعتبر وظيفتك محجوزه
ضمن طاقم مصممين شركة طاخ طيخ المحدوده
مشكور ع المرور والاطراء والتحفيز ياغالي

[‏نايف]

	المشاركة الأصلية كتبت بواسطة طُهر.

	_ وعليكُم السّلام ورحمَة الله وبركاته .. مَاشاء الله ، تصمِيم مميز وفِكرة مُنفرده للأمَانه جدًا حبيييت وشدّني التصمِيم ! أبدعت بتفاصِيل التصمِيم ، الألوان رائعِين يعطيك العافِية يارب

عليكم السلام ورحمة الله وبركاته طهر
ومشكوره ياذوق على كل كلمة ثناء قلتيها
اسعدني حضورك واطرائك
وراح تكوني ضمن فريق شركة طاخ طيخ
اذا اسعدتيني بموافقتك الكريمه
راح اعينك مشرفة على عناصر الامن
ام عنبر وخفايا
كل يوم يفرشونا الزباين بوسط الشركه
وهم واقفين فاغرين ويتفرجون

طُهر. معجب بهذا

[‏نايف]

	المشاركة الأصلية كتبت بواسطة أماريلس

	لازم نشكر أمواج اللي فعاليتها طلعت الجزء المخفي دائمًا لاحظت تتجنب تظهر مهاراتك التصميمية لكن الآن نافستنا بقوة بس حقيقي من ساعدك؟

اخجلتي تواضعي اماريلس الله يسعدك
ومافي داعي للاسئله اللي تطلع الفضايح

	عمومًا التصميم جدًا جميل، بسيط لكن أنيق فكرة إنه ألوانه أحادية جعله مميز حركة اللون الأخضر تجذب الانتباه أيضًا وتنفع تصمم بوستات وكذا،

شكرا لنظرتك الفنيه الثاقبه
والاشاده بالتصميم ممتن لرأيك المحفز ياذوق

	نافس الجماعة زين وأخيرًا أريد أجرب وظيفة في شركتكم أحسها كريمة وما نكدية، وكذا

شعار شركتنا نحن وجدنا لننافس
وقريبا راح نستولي على سوق المصممين بالكامل
وظيفتك جاهزه في اي وقت تحبين
راح تكوني مديرة قسم التسويق
براتب مغري مع مجموعه من الحوافز
راح نوفر لك دراجه هوائيه فاخره للدوام مع موقف مظلل
وسندويش بيض تفطرين فيه مع عصير سانتوب
اضافه لمميزات اخرى راح تحددها كفاءتك في العمل

تشرفت بمرورك مصممتنا الرائعه

أماريلس معجب بهذا

[‏نايف]

	المشاركة الأصلية كتبت بواسطة mamdoh

	الله يسعد مساك بالخير اخوي نايف والله يشرف مقدارك انت دخلت عالم روح التحدي بهذا التصميم الانيق تعجبني مغامرة المصمم في نقله الى الاحترافية حبيت النتيجة وواضحة بكل ما تعنيه الكلمة نتيجة مهبرة من الادارة العليا الاخ العزيز نايف سعيدين بهذه المشاركة المتألقة والمنافسة للتحدي والله يوفقك ويبارك لك ،

الله يسعدك اخوي ممدوح
وكلامك حافز رائع اعتز فيه
ودافع قوي لمحاولة الوصول للافضل
شكرا تشبه روحك الجميله

Mamdoh معجب بهذا