اكتب بيت شعر على اخر حرف قصيده الى قبلك

[علي]

نبني خيالات التمادي بالأحلام
والموت طالع ماخذ انسان غيرك

ياللي سليت بدنيتك تسهر تنام
مستانسٍ تسعد بشوفة عشيرك

بكره تسافر والجسد يلبس الخام
ويبقى العمل وتشوف شّرك وخيرك

صل الفروض الخمس تنعم بالأيام
وإحذر من الخيّب تحطه شويرك

وصل الرحم وصل القرابه والأعمام
أمرٍ مهم تخص فيهم كبيرك

واللي فعل للخير تذكره الأنام
واللي تمادى بالردى لا يضيرك

- عبدالكريم بن خزيم

رسم معجب بهذا

[رسم]

،.

كنت احنّه .. بزعله حتى من استغرابي
كلّ ما تاهت مشاريهه .. وهدّت حيله

يوم اعْنّ له الشعور ويوم احقّ ركابي
المشاعر حاتميّة ، والظّروف بخيله

ما نسيت ؛ أعذب تفاصيلة بنص كتابي
لو ماني ب الشّاعر اللّي خاض فى تفصيله

يدري ان صدري له اوسع من فجوج رحابي
ويدري إن لى وقفةٍ دونه .. تعدّل الميله

مير يا أولّ من هويت أسمه واخير أحبابي
واحدٍ ماهو ب ياوي لك .. غلا .. يا ووووويله

لا ثقل همك تعدّى صدتي و غيابي
..!اللّٰه اللّي خالقٍ متني " عشان يشيله"

عمر الوهيطي

علي معجب بهذا

[علي]

هبا .. رجلٍ يعيش ولايجي للفارقه عنوان
يروح عن الحياه وكل ما يملك للانفادي

- فهد بن خالد العصيمي

رسم معجب بهذا

[علي]

يا أعظم بلد وأغلى بلد وأطهر بلد
هذا ثراك اللي غدا ديباجنا

وهذي غيومك كانت تصب البَرَد
وغدت مع مرّ الزمن هداجنا

من فوق هام السحب دقّينا الوتد
صارت مجالسنا وروس أبراجنا

- سعيد بن مانع

رسم معجب بهذا

[رسم]

،.

الشّعور الصّادق يلين اللّي مايلين
يقدر احساسه يمرّ الحديد ويصهره

الموادع شين والفقد جامع كلّ شين
قسوته تجرح مدامع وتخنق حنجره

ما يقوي ضلعي النّاحل الاّ حاجتين
شوفته فالحلم ولا تفاصيل صُوره

ماصبرنا الانبي نكسب اجر الصّابرين
ونلتقي والشّوق نكسر قساوة خنجره ..!

علي معجب بهذا

[علي]

هيا اشعلي كل الشموع المنتقاه
حتى تُضيئين الجهات الأربعه

خلي بياض النور يسري في سماه
يشبه شروق الشمس لحظة مطلعه

يطرد دياجير الظلام وما سواه
ويرصّع القياء نجومٍ لامعه

مهما لهيب الشوق يحرقني سناه
برد وسلامً فوق روحي ما أروعه

- حمدان بن مقحص

رسم معجب بهذا