رســـآلُــہ شُـــعـــريَــہ ....

[علي]

يا ما تسامينا على كل هرّاج
والوقت يا ما جاب فينا وودّا

ميقافنا في الموقف الكايد علاج
ماهو حكي من في رخاه يتحدّا

- صلاح العرجاني

[علي]

سقى الله بيتنا ذاك البسيط مشقق الجدران
شجاع ٍ يهزم الغدراء بقنديله ومصباحه

تكحِّلنا القناعه لا طمع لا هم لا حرمان
واذا جاء الليل تكفينا ثلاث اخوان طرّاحه

- فهد الدحيمي

[علي]

تحرم علينا الحاجة اللي ماتليق
وتحرم علينا صحبة محبينها

- رفعان العرجاني

[علي]

مانهون الا على الهينين من الرجال
اللي مايدري من اللي معه وقت اللزوم

- سلطان بن عباس

[‏عآزفّ النّآي]

تواضعك للنآس مايعتبر رخص
بالعكس يرفع قيمتك في حيآتك
مهمآعطاك الله لاتحتقرّ شخص
ويجيـك يــوم وتحتقرّ فيه ذآتـك

[علي]

ثبّت لرجلك في دروب الجمايل
واقصر خطاها قبل زلّة قدمها

دينك ومقدار الوطن والقبايل
هذي ثلاثه يالفتى تحترمها

واحذر تجاري يالفتى بعض قايل
واحفظ لسانك واليدين وقلمها

واترك عيوب الناس والعمر زايل
فرصة حياتك بالوفاء تغتنمها

- فراج الحربي