اكتب بيت شعر على اخر حرف قصيده الى قبلك

[‏عآزفّ النّآي]

ان قلت راحه ما ورى الناس راحه
بس انت وافي وما يجي منك تقصير
مير السعد بيديك اجبر جناحه
السالفه ما عاد فيها معاذير
لاجابو اسمي كلن اطلق رماحه
ما كنهم قبل امس عندي مسايير
ابسط مثال لا بغيت الصراحه
اقول طيب بس انا ماني بخير

قلبي من جروحه تشيله جراحه

وش حيلت ابن آدم وجه المقادير

[علي]

رجوعي محال و تاهت خطاي بين وبين
أنا وين أروح و كلن أصعب من الثاني !

- مرزوق الروقي

أوديت معجب بهذا

[‏عآزفّ النّآي]

يسعد صباحك وأسعدالله صباحي
فتح عيونك يابعد عذب الاحلام
ان نمت يفدى غفوتك الف صاحي
وان قمت يفدى طلتك كل من نام

[مسترٍيَحٍ آلُبآلُ]

ومهما تشوف العيون القلب ابو مشتها

لبست بشت الكرامة مثل لبس الثياب
يوم أكثر الناس مرضيهم طرف بشتها

و إن شفت وضع المحبّه صار فيه اضطراب
" رجعت بالذاكره معها . . . و فتّشتها "

ذكّرتها أول لقى يوم المفارق . . سراب
وغيِّب بها لين غاب الوعي " وأنعشتها "

على حقيقة غرامٍ صار فيه إرتياب
لو النقاش يحلّه - فـ كان ناقشتها

ماضاع عقلي ولا طاوعت طيش الشباب
في ساعةٍ طيّشتني . . غير ما طشتها

كُل مانويت أبتعد وأجزى الغياب بغياب
أبلشني الشوق لين أشتقت وأبلشتها !

أقرا رسايل غلا وأرسل رسايل عتاب
و إن وصلني ردّ طنشته و طنّشتها

بداية الحُبّ عذب ونصفه أعذب عذاب
ونهايته ودّك إنك تموت " ماعشتها "

[‏عآزفّ النّآي]

اعوذ با الله من غلبي وقهر الــــــرجال
ومن هو طيش انثاء هايمه غاويه

تعيشك في مشاكل كل ساعه جـدال
وتحشرك رغم كبرك دوم في زاويه
محال ياقلب تسلا صار هذا مــــحـــال
وراحتك مستحيل انها معك دايمه

[رسم]

،.

هوّن أيامه ليا شاف منها ما يروع
لا عليم الاّ أنت يالله بما في غيبها

أنا لا نفسي عصيّه ولا قلبي قطوع
أجفي الدّنيا وأعود وأصير صحيبها

عن مشدّدة اللواحظ ومرخية السّموع
قافلٍ بيبان ود ّالعلوم وجيبها

مادرى باللّي تكّن الضّلوع الاّ الضّلوع
وش تبي تنفعني النّاس لو تدري بها

أثرني في ضحكة الزّيف لي عام مخدوع
أتصنّعها ولا أدري وش أنا أبي بها ؟!!.

صاحبي ما بعد ونس اللّيال الا ّالدّموع
معك ياخوف الاحاسيس ،، من تغريبها

الغلا له عدّة أنواع وأنت أشرّ نوع ..
جعل روحي همّها منك ما يبطي بها..!

أمل معجب بهذا