اكتب بيت شعر على اخر حرف قصيده الى قبلك

[علي]

اصبر شوي لين الله يزيّنها
لاتعنز على كتفي وانا طايح

والله ان انتصف لك لو اطينها
ويلزم اسمي لسان الجاي والرايح

- رفعان العرجاني

[رسم]

،.

حفظتك سرّ ما يظهر على العالم ولا ينقال
زرعتك بين تنهيد الضّلوع وبين غربالي

لك اللّٰه مالغيرك في الحنايا والضّمير ظِلال
اقرب من قريب النّاس اقرب لي من ظِلالي

تمرّ بخاطري هاجس وامّرك والسّنين ثقال
اغنّي بك على جروحي وأجرّك صوت موّالي ..!

:الجوري: معجب بهذا

[علي]

يوم خيّم من حنانك على الليل السكون
همّت في همسة هدوئك و عانقت الهنا

العمر مره وانا فيك هايم من جنون
لاتخلي بخاطرك شي،، و اخرنا الفنا

حطني في قلبك و بين رمشك والعيون
" بس انا و اعوذ بالله من كلمة انا "

- مفرج المسيلم

[:الجوري:]

اشوفك بين نبض وروح عين وشوف قلب ونفس
اشوفك دنيتي بالله قلي شلون انا عايف
ابنطق اسمك بصدري وحط يدّك عليه وجس
تفز تقوم تتلفت ضلوعي وانت مو شايف

م/ن

أوديت معجب بهذا

[رسم]

،.

في رحيلك ما رحلت من الأماكن
ذكرياتك درب واشواقي ليالي

يا حبيب الصّبح صار الصّبح داكن
والقمر في غيبتك صار إنعزالي

كنت اظنّ الوقت يعتقني ولكن
سلطته متوسده عرش إحتلالي

ليه صوتك في حنين العمر راكن
وجرحك اكثر جرح موجع بسّ غالي ..!

شـ♞♜♕ـطرنـج ,عاقل المجانين معجبون بهذا

[علي]

يا الراحلين و ما نسيتوا معي شيّ
منكم، عشان اسهر مع اللي نسيتوا

الليلة اللي ما بها منّكم : ضيّ
قسَت على عْيوني مثل ما قسيتوا

مدري لبستوني على افراحكم زيّ
و لاّ بي لْـ عاري وجعكم : كسيتوا

لكن ابسألكم و انا الميّت الحيّ :
غرقان فيكم، كيف فيني رسيتوا ؟!

- محمد بن علي السعيد

نِيفآ معجب بهذا