رســـآلُــہ شُـــعـــريَــہ ....

[علي]

"القصايد تستحي عن وصف وجهك
في ملامح وجهك اكثر من قصيده"

[علي]

برد الشتاء قارس وبابك مسايف
وانا استحي لا أدخل ومحدٍ عزمني

- محمد فليّان

[رميزان]

ليلٍ سريته يالغلا جاب...ذكراك
ذعذع شعوره في قلوب المواليف
يحكي خفوقه شوق لا حلّ طرياك
والصمت بغيابك تحدّه صواديف
نبته خزامى والنفل عطر يزهاك
استرسلي في مهجةٍ مابها زيف
يطري علي وقتٍ مضى لاعدمناك
طيبه رقى في عاليات المشاريف
احيـا غرامه فـزّة القلـب وإدراك
يبحث خفـا حالٍ رمته التصاريف
من بين نـارين المواصل ومجفاك
وكبد المعنّـا لو كلتهـــا التحاسيف
يوحي دفــا باقي حنينه ودنيـــاك
تجسدت صورة ضعنها مناكيف
تعـــال لاتبطي على اللي ترجّاك
للنفس عـــزّ وللعزيمه مجاديف

[‏نايف]

يانبض قلبي بالحياة من الوريد إلى الوريد
ويانور عيني في دجى ليلٍ على الساري سرى

يا أول غلا وأخر غلا يكبر مع الوقت ويزيد
جعلك بعد ناسٍ مشاعرهم تباع وتشترى

[علي]

أنا خايف على باكر تسيئ الظن في : مغليك
وتحتلّك شكوك الوقت وترخصني بتقديري

- محمد السالم

[رسم]

،.

يا كثر صوّرك .. اللّي ما نساها بالي النسّاي
‏لو ان عمري معك مرّت سنينه مثل أسابيعه ..!