اكتب بيت شعر على اخر حرف قصيده الى قبلك

[‏عآزفّ النّآي]

قلت المطر قالت من الـيوم ديـــمه.... ما به رعد لا برق ماغير هـــــــتان
عشق جمع ما بين قـاع وغيمــــه.... سيّل علي صدر الثري دمع الامزان
همس النديم اللي يـعاتب نديمــــه.... صوت المطر كنّه تعاتيب خــــــــلان
تبسّمت لاجل اللـيالي القديمــــــــه.... وقالت تذكّر قلت يابنت نسيــــــــــان
نقض الجروح اللي تشافت ظليمه.... ما عاد به وصل ولا عاد هجــــران
ما للرجا في بعض الاحـــوال قيمه.... و ما للعمي صبح ولو بات سهران
لو للزمن عن نيّة الغدر شيمـــــه.... ما فرّق احباب ولا بعّد اوطـــــــــان
لاشك وينك يالقلوب السليمــــــــه....اللي تجازي عن خطا الخل غفـــران
كلن خصيم وذاق لوعة خصيمه.... واللي خصيم الوقت يا بنت خســران

بدر بن عبد المحسن

[رسم]

،.

نظرتي أوسع من حدود الفضى
والسّكوت ابعد من حدود الخيال

شف على كثر الكلام اللّي مضى ..
ما عطيت مدوّر الزّله مجال ..!

:الجوري: معجب بهذا

[‏عآزفّ النّآي]

ليت السعآدة لهآ سوقٍ ونشـريهـآ .. ماكان ضآقتّ علي الدآر والحيلـه

[رسم]

،.

هو .. الّلي زرعني في محطّات الالهاام
ولازال تاثيره مع الشّعر .. منحوت

تسولف به افكاري من .. افواه الأقلام
وأشيّد له مْن أعذب مكاتيبي 'بيوت ..!

،.

:الجوري: معجب بهذا

[:الجوري:]

تعال .. خذني معك لي رغبه بقربك
مابي من الناس غيرك ..لا تخليني
كلي طموحات وانثرها على دربك
ياذوقي ونبض قلبي ويابعد عيني.

م/ن

[‏عآزفّ النّآي]

يـآجاهــــــــــلٍ في الوقــــــــت تســــــــــرح وتمــــــرح
تــــــــــــــــــرى الحيـــــــــآة لهــــــــآ نظـــــــــــــآم ولوآيــــــــــــح
لولا الخطآ محدنّ عرف قيمة الصح
ولولا الصحيح يصح جآت الفضآيح
شي طبيـــــــــعي يــــــــوم ننصـــــــح ونُنصـــــــــح
النآس كانـو يشتـــــــــــــــــــــــــــــرون النصآيـــــــح
وأن كان مــآتبــــــــغى كلامــــــي هـــــــــــــــذا رح
وأشرّه على اللي قال وين أنت رآيــــــــــح