الجهاله في ابن آدم توليه الدبور
لو طريقه غاديٍ يحسب إنه متّجه
يحسب إن ما مثل شوره مع الاشوار شور
ما يعرف انه له مزاج وللناس امزجه
مُمكن يلقى مزاجٍ يبادله الشعور
لو على فلم الشطاره وفلم الدبلجه
وآخر المشوار لا حصلت ما في الصدور
كل زور فيه شور إليا فاق اهرجه
القمر والشمس كنها تسلّف منه نور
والجبال اتسير تحته خيول مسرجه
يحسب ان معه افضليه توليه العبور
إن لقا الملح ازعقه وإن لقا الحلو اسمجه
يا ابن آدم يلعن الله مختالٍ فخور
من تواضع تحت ربه يعليه ادرجه
السماء عجزت تنوشه جناحين الطيور
ما وصله الا محمد بليلة معرجه
لجل ما تدخل جهنم على شان الغرور
للعرب حاول تواضع وتعطيهم وجه
من لقا عذب المشارب ومثمرة الزهور
ما قعد يغرف من البحر ويسوق احدجه
]≈ 
:eq-33:
.
العرض العادي
