فعلاً الجميع الا من رحم ربي يشتكي من هذي المشكله
تكديس الاشياء بحجة اني ممكن احتاج لها ,,
من هالناس امي : مستحيل ترمي شيء حتى لو ما تحتاجه ,,
تراكم المواعين في المطبخ بشكل عجيب ,
مره من المرات قلت بدخل المطبخ ارتبه لك , و كل ما مسكت شي قديمه برميه تقول لا
عندها من بعض الاشياء ثنين او ثلاثه ,,
غير بعض المفارش اللي مكومه عندنا بدون فايده
فيه ناس تتعلق ب اشيائها بطريقه عجيبه ,,
و من الناس هذي امي , لازال عندها تعلق ,,
اليوم كنا في حديث عن السعادة ,, و كان كل شخص فينا مفهومه مختلف ,
و كل شخص يلقى سعادته في اشياء معينه ,,
كنت اقولهم انا سعيدة بنفسي اول شي , و سعيدة بالاشياء اللي اسويها و جالسه انجزها ,
على انها ممكن تكون اهداف بسيطة بس انا مبسوطة فيها ,,
شدني فكرة اخوي عن السعادة , يقول هي عدم وجود هموم ,
يعني هو شايف الشي و ضده ,
قلت له مو شرط اكون سعيدة يعني ما عندي هموم و اشياء مزعلتني ,,
انا سعيدة حتى لو هي موجوده , انا صايرة انظر لها من بعيد شعرت فيها و خلاص
مو بالضرورة يكون شعورها ملازمني , مو لازم انا ازعل نفسي طول الوقت عشان هذي الهموم ,,
و لما سألته وين تلقى سعادتك , ما عرف يجاوبني , يقول لسى جالس ابحث عنها
قلت له الفرق بيني و بينك , انت لسى بتفهم نفسك , و انا فهمتها خلاص و على هالاساس انا سعيده فيها
و سعيدة بهذي المرحله اللي و صلت لها ,
عمرياً الفرق بيني و بين اخوي 10 سنوات
انا القى سعادتي لما اخطط على شي و اشوفه قدامي يتنفذ ,
سعادتي في التصوير , انا لما اصور صورها و انبسط فيها و انشرها مره اكون سعيده و ارجع اتفرج فيها اكثر من مره ..
سعادتي في الاشياء اللي احبها , غرفتي , كتبي , جوالي , لابتوبي , كل شي خاص فيني
سعيده بالناس اللي احبهم :lo2:
سعادتي في هدوئي في بساطتي , و اختلافي اوقات ,
انا ببساطة مواكبة هالعصر بكل مافيه , مع محافظتي على طابعي القديم .. لازلت صامدة
و سعيدة فيني ,
انا الان في حالة مواجهة بيني و بين نقاط ضعفي و مخاوفي ,,
قد ايش هالمخاوف تلعب في نفسية الشخص , و اتوقع ما راح تروح الا بالمواجهة ,
من الاشياء اللي انا اخاف منها : السواقة ,
مجرد ما يجي في بالي اني اطلع اسوق يجيني قلق مو طبيعي ,,
او احد يقولي ممكن توديني ,, وقتها ممكن اقول انا ما اعرف اسوق خخ
على انها شي طبيعي و كل الناس تسوق ,,
و اشياء ثانيه جالسه اواجهه الان , اشياء انا ابيها بس هذا الخوف جالس على قلبي و كاتم عليه
اشياء ابيها و احارب عليها ,,
بس انا طبع فيني و نقطة ضعف , اني اخاف من التغيير , اخاف من اي شي جديد في حياتي
على اني احارب هالخوف و اجلس اجرب اشياء جديده بس في داخلي خوف غريب
كلام داخلي لو اسمعه انا ماراح اتقدم , و الله شي جالس يسحبني لتحت ,,
ما اعرف اذا في احد يجيه هذا الشعور , و الا انا بس
هل فيه احد ممكن يعترف في نقاط ضعفه ؟
و المعوقات اللي ممكن تخليه يتراجع ؟
اتمنى اوصل للمرحله اللي ما احس فيها بهذا الشعور ,,
او على الاقل يكون اخف من اللي احسه
يالله انا رايحه اواجه شي من مخاوفي ,
و اودي اختي تقضي مشاويرها <- طبعاً في داخل الحي, :ff1 (101):
العرض المتطور
