حكــاية قصيــرة ❥

[‏آلنـور]

أهلاً ,,

كيف اصبحتوا !!
اليوم و من فتره طويله ما نمت هالنومه ,, كان حدي سته ساعات و اصحى ,,
هالمره نمت 10 ساعات ,, نومه وحده بدون منغصات و لله الحمد ..
كنت اتمناها بس ما قدرت عليها ,, و الله جابها لي ..

امس جلست اشتغل على شي ,, و متحمسة له و تأخرت في النوم <- التأخير عندها الساعه 10
و توقعت اصحى بدري لكن الحمدلله نمت نومه محترمة


يالله كل ثلاث شهور ننام هالنومه الحلوة , عادي راضيه فيها


و يسعد صباحكم :10ل0::lo2:

المعتفس ,رايــق ,الحر الأشقر و 8 آخرون معجبون بهذا

رآنيا ,سمو المجد ,alwafa ,ابن الهيثم ,إمبراطورة البحر ,This Aziz ,خفايآ روح~•• ,عبير

[‏آلنـور]

اليوم فيني هدوء و راحة مو طبيعية..
بالرغم ان اللي مسبب لي قلق لازال موجود و ما انتهي،،
تعرفون السر وين!!!


اولا : سلمت امري لله، رضيت و قبلت بأي شي ممكن يصير لي بسبب هذا الموضوع،،

و السر الاعظم في " لا حول و لا قوة الا بالله"
حقيقي مالزمته الا فرجها الله علي مهما ضاقت
اشياء بسيطة احنا نسويها و مردودها عظيم..
عظيم بمعنى الكلمة :lo2:

الله يجعله يوم سعيد علي و عليكم :lo2:

إمبراطورة البحر ,المعتفس ,خفايآ روح~•• و 6 آخرون معجبون بهذا

ابن الهيثم ,عبير ,رايــق ,الحر الأشقر ,رآنيا ,سمو المجد

[‏آلنـور]

اشكرك على كلامك ,, دافع لي اني اكمل و اني على الطريق الصحيح ,,
و كلامي هنا ,, بكل عفويه و اشياء انا استفدت منها و حبيت انقلها لكم بالمفهوم البسيط و بدون تكلف


يوم من الايام راح اتكلم عن رحلة التغيير , و قريباً جداً ,, و اللي راح تجاوب على كل هالتساؤلات ,,

طُليْطل ,إمبراطورة البحر ,سمو المجد و 4 آخرون معجبون بهذا

خفايآ روح~•• ,رايــق ,ابن الهيثم ,عبير

[‏آلنـور]

كنت انتظر هذا اليوم بفارغ الصبر،، و انتظاري حسسني ان الاسبوع طويل مرره
لكن احمد الله على كثير فضله و جميل عطاياه،،

جهزت هذا اليوم بالورد و الاشياء الجميلة استقبالاً لاجازتي
اللي راح اقضيها في ربوع غرفتي، و اغير جو في السطح :ff1 (101):
تعمدت انها تكون هالوقت بالذات عشان لما يدخل علينا رمضان و انا اجازة و مروقه..
لي طقوس خاصة لاستقبال رمضان، الله يبلغنا اياه لا فاقدين و لا مفقودي،،
ما احب اداوم اول ايام رمضان،، احب اكون هاديه خاليه من قلق الشغل

على الطاري اذكر لك سالفه السنه اللي راحت،،
كالعادة ادخل اجازتي حقت رمضان من بدري لكن اراد الله في ذيك الفترة
اني انقل من فرع لفرع،، و صادف ان اجازتي تتعارض معهم و اضطريت احذفها..
صح اني حاولت ارفض و بكذا طريقه ابي اخذ اجازتي لكن في النهاية حذفتها و داومت لظروف العمل
توقيت الاجازة ما يعجب احد،، و مستغربين ليه انا متمسكه فيها،،
و اقولكم سر،، انا جلست ابكي عليها،، كأنهم سلبوني شي من روحي،،

و لاني طيبه و رضيه <- مداح نفسه خخخ
لا بجد لاني تنازلت عشان الشغل و عشان اشخاص كان ممكن يمشون الشغل بدوني.. لكن تمسكو برايهم و شافو صعب يمسكون الفرع لحالهم

اذكر ذيك السنه كان ربي يرد لي حقي من هذول الاشخاص، و انلغت لهم اجازة كانو يبونها،،
المهم في الموضوع ان ربي ما ينساك :lo2:
كل عمل خير انت تعمل سواً كان من صالحك او يخالف مصالحك الشخصيه
محفوظ عند رب العالمين،، و راح يعطيك الله مقابل اي عمل خير تعمله


سالفه تجر سالفه ، و روقان يجر روقان،،
و الاشياء السعيدة تأتي تباعاً


الله يجعل يومكم سعيد،،
و صباحكم اجمل :lo2::10ل0:

طُليْطل ,إمبراطورة البحر ,رايــق و 5 آخرون معجبون بهذا

ابن الهيثم ,المعتفس ,سمو المجد ,خفايآ روح~•• ,عبير

[‏آلنـور]

اعلن لكم بشكل رسمي بداية اجازتي
و اللي راح تكون مدة اسبوعين متتاليه :566:
استقبل التهاني و التبريكات و لا مانع من باقات الورد



على طاري الورد <- كل شي يجيب لها سالفه خخ

اليوم اخذت للبنات باقات مصغره لكل وحده،، و كنت من امس اشتريتها..
قلت لأبوي مر على محلات الورد بشتري ورد <- لاحظو انها ما تسوق و الرخصه مبروزتها خخ
المهم قال ابوي ليه الورد.. قلت بعطيها صديقاتي عشاني اخر يوم دوام و عشانهم محققين..
و اليوم يوم جا اخذني من الدوام.. يقولي باقي ورده ليه ما اخذوها<- حاسبها خخ
قلت لا هذي حقتي
ادري السالفه بيض بس اعذروني عشاني اجازه خخخ :ff1 (101):




يلا يومكم سعيد :lo2:

طُليْطل ,إمبراطورة البحر ,رايــق و 4 آخرون معجبون بهذا

خفايآ روح~•• ,ابن الهيثم ,المعتفس ,عبير

[‏آلنـور]

" قبْسٌ مِن نُور "



يسعد مساكم ,

اليوم تغير موعد البرنامج , لظروف متعلقة بموضوع اليوم ..
و اشياء آخرى ,اللي هي اني وديت امي للسوبرماركت الصبح بدري ,, تعرفون انا ما اسوق الا الصبح
ويوم الجمعة , خوفاً من زحمة السيارات :ff1 (101): .. \ يعني الرخصه مو ع الفاضي <- ترقع لنفسها \

يالله ما علينا ... و نرجع لموضوع اليوم ..

" التخفف "

التخفف ,, او ممكن نقول التخلي .. كلا المصطلحين يقودنا لمفهوم واحد ,,
الا و هو التخلص من كل شيء زائد عن حاجتنا ..او يثقل علينا ,,
و ممكن يكون يؤذينا و يؤذي مشاعرنا ,,

كل شيء في الحياة تحسه ما يفيدك بشكل ايجابي ,, تخلى عنه بحب ,,
اتركه و انهيه من حياتك ,

اقولكم انا وش سويت اليوم ,, من زمان ودي اتخلى عن ملابسنا الزايدة اللي نكومها في الدواليب
و يمر عليها سنين و احنا ما لبسناها ,, بحجه ممكن تجي مناسبه و البسها ,,

ملابسي و ملابس غاده .. اللي ما نحتاجها و زايده عن حاجتنا ,, جمعتها و غسلتها \
كويتها و رتبتها بشكل حلو , حتى اتبرع فيها لجمعيه خيريه ,,
فيه اشياء نظيفة مره لبسه او لبستين ,, و كبرت عليها غاده ,,
الشيء الحلو انها بتروح لناس في حاجتها ان شاء الله ,,

و اشياء كثيييير احنا نحتفظ فيها ,, ما ندري ليه ,,
و نقول في انفسنا يمكن يجي يوم و نحتاجها و احنا فعلا ما نحتاجها بس تتراكم عندنا بدون فايده

التخلي ممكن يكون لمشاعر انت جالس تستهلكها في روحك و هي ما تجيب لك فايده
مشاعر حب , مشاعر حزن , مشاعر ندم , اي مشاعر ممكن انها ترهق روحك بدون فايده ,,
مشاعر انت تعطيها بدون تحصل على مردود يفيدك و يفيد نفسيتك ,,

اي مشاعر حاس انها تستنزف طاقتك ,, تخلى عنها ,,

و اكون صادقة معكم , ابد الموضوع مو سهل ,
و يحتاج له تدريب و ممارسه ,, و يحتاج تدرج في التخلي او التخفف

يحتاج له , حب لنفسك قبل كل شيء
اولاً تعلم كيف تحب نفسك , بدون ما تكون اناني مع اللي حولك ,
بدون ما تجحف في حق احد , بدون ما تقصر مع احد ,,

لما تحب نفسك , وقتها راح تبعدها عن كل ما يؤذيها ,, سواً بالتصرفات , بالاشياء اللي تفكر فيها ,,
و كون صادق مع نفسك قبل كل شيء ,,


,,

و اقولكم سر : الكتابه في الصباح لها طعم مختلف ,,و احب اكتب الصباح
بس اضطرينا اليوم نكتب هالوقت ,,
كنت بأجله لبكرة الصباح بس اكتشفت ان عندي مشوار الصبح <- بدت الاجازه و بدت المشاوير:ff1 (101):



يالله ان شاءالله عجبكم الموضوع , و اتمنى لكم الاستفادة

طُليْطل ,ابن الهيثم معجبون بهذا