الأخ الفاضل نايف /ضيف كرسي الاعتراف ‏

[خفايآ روح~••]

رد: الأخ الفاضل نايف /ضيف كرسي الاعتراف ‏

هلا هلا
والله طحت ومحدش سمى عليك :17663:


بس كان جابوا كرسي اكبر احسه حاشرك مرا


بسم الله
1- موقف غير من نايف الكثير ..؟
2- فلسفتك فِ الحياة .. شنو ..؟
3- لو مَ دخلت نظم معلومات شنو كنت بتدخل ..؟
4-اذا مَ فيه كلافه وتعب عليك وحتى لو فيه كلافه رز لنا الصوره رقم 35 من جوالك :ff1 (41):




اقامه ممتعه يَ باشا وجلد جميل لك :ff1 (171):

الحنونه معجب بهذا

الموضوع الأصلي: رد: الأخ الفاضل نايف /ضيف كرسي الاعتراف ‏ || الكاتب: خفايآ روح~•• || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v]: hgHo hgthqg khdt Lqdt ;vsd hghujvht ‏ hggd hghujvht hgthqg vhdr

[رآنيا]

يا اهلا باخونا الرايق والمرح نايف

منور الكرسي ربي يسعدك

سؤالي لك

لاحظت انك اول ماسجلت معانا ماكان لك تواجد كبير
هل احببت المجتمع ؟

-

موقف مضحك مريت فيه ؟

-

اشياء تعجبك بالمجتمع ؟

-

نعطيك كرسي اكبر والا مرتاح ؟


~

نايف ,خفايآ روح~•• معجبون بهذا

[‏نايف]

	المشاركة الأصلية كتبت بواسطة رآنيا

	يا اهلا باخونا الرايق والمرح نايف منور الكرسي ربي يسعدك سؤالي لك لاحظت انك اول ماسجلت معانا ماكان لك تواجد كبير هل احببت المجتمع ؟ - موقف مضحك مريت فيه ؟ - اشياء تعجبك بالمجتمع ؟ - نعطيك كرسي اكبر والا مرتاح ؟ ~

يا اهلا باخونا الرايق والمرح نايف
هلا وغلا فيك اكثر اختي رانيا

منور الكرسي ربي يسعدك
بوجودكم الله يحفظك

سؤالي لك
لاحظت انك اول ماسجلت معانا ماكان لك تواجد كبير
هل احببت المجتمع ؟
تعرفين في البدايه وصلت وشفت الديره واهلها
واعجبوني .. ورجعت اجيب عفشي واغراضي
وعلى بال مالميت عفوشي وشحنتهم واستقبلتهم هنا
واثثت ورتبت واستقريت عاد بديت اخذ وضعي معكم
وتشوفوني واشوفكم بشكل اكبر ..
وللامانه الناس هنا في مجتمع غلاك يجبرونك
على حب المكان واهله والاندماج معهم بأسرع وقت
-

موقف مضحك مريت فيه ؟
امممم لازم الفزايح يعني😁
مره كنا طالعين انا وخواتي واخوي الاصغر
نفر شوي ومن قرادة الحظ قمت وعزمتهم
ع العشا وماكذبو خبر وين وين اتفقنا ع المطعم
خلاص رحنا وطلبنا وتعشينا بعدين قمت
انا بالاول عشان اروح اغسل واحاسب
على بال مايلبسون عبيهم وكذا..
وانا قايم امشي من ورا كرسي اخوي
والمكان شوي ضيق
نسيت انه اللي جنبي بارتشن متحرك
وركيت عمري عليه بقلهم بحاسب
واسبقكم السياره
انا تركيت والا ماتركيت والبارتشن روح فيني
على عايله جنبنا خبط في كرسي الرجال
وشقلب فيني وانسدحت فوقه جنبهم🥴🥴
والحرمه وعيالها تناقزو ا من كراسيهم
وانا صاكتني حالة ذهول على فشله ..
واخواني الكلاب مكملين العرس ومتسدحين
ضحك على الطاوله
الله يقلع ذي الروس ويقلع من عزمكم
المهم الرجال يمد يده يقومني سلامات سلامات
واحسه بينفجر ضحك وماسك نفسه
وانا اتعذر واتصدد بوجهي ياضيعة الوجه والله ..
واشيل عمري احاسب والسياره
حتى الغسيل هونت عنه مسحت بمناديل بالسياره
والانذال اخواني جو كملوا المسرحيه بالسياره
متسدحين ضحك لين وصلنا البيت .
لاعادها الله من عزومه لاسلمنا الخساير
ولاسلمنا الفشيله ..
وابشركم من ذاك اليوم ليومكم ذا
المطعم ذاك جتني منه عوفه ماعاد طبيته
واستروا ماواجهتم ✋🏼

-

اشياء تعجبك بالمجتمع ؟
الكم الجميل من المواضيع المطروحه
وتفاعل الأعضاء بشكل عام مع مايطرح
قد تكون الميزه الواضحه للعيان والمتفرد بها
مجتمع غلاك
-

نعطيك كرسي اكبر والا مرتاح ؟

لا خلاص خذيت عليه ماله داعي اغلبكم

أطياف الفرح ,ابن الهيثم ,سمو المجد و 3 آخرون معجبون بهذا

رآنيا ,الحنونه ,خفايآ روح~••

[سحر !]

أهلاً :ff1 (27):
أيش أفضل برنامج لك ؟
مين الشخص اللي أثر في شخصيتك ؟

نايف معجب بهذا

[‏نايف]

	المشاركة الأصلية كتبت بواسطة سحر !

	أهلاً :ff1 (27): أيش أفضل برنامج لك ؟ مين الشخص اللي أثر في شخصيتك ؟

أهلاً
هلا فيك

أيش أفضل برنامج لك ؟
التبس علي فهم سؤالك اختي
ولكن ان كان المقصود افضل برنامج تلفزيوني
فانا بصراحه متابع غير جيد للتلفزيون
وتقتصر مشاهدتي على القنوات الرياضيه
واتابع بشكل شبه يومي برنامج الدوري مع وليد

وان كان المقصود غير ذالك فأتمنى التوضيح
وسأكون سعيد بالاجابه ..


مين الشخص اللي أثر في شخصيتك ؟
الوالد الله يحفظه ويطول بعمره بدرجه كبيره

أطياف الفرح ,ابن الهيثم ,خفايآ روح~•• و 1 آخرون معجبون بهذا

الحنونه

[‏نايف]

	المشاركة الأصلية كتبت بواسطة خفايآ روح~••

	هلا هلا والله طحت ومحدش سمى عليك :17663: بس كان جابوا كرسي اكبر احسه حاشرك مرا بسم الله 1- موقف غير من نايف الكثير ..؟ 2- فلسفتك فِ الحياة .. شنو ..؟ 3- لو مَ دخلت نظم معلومات شنو كنت بتدخل ..؟ 4-اذا مَ فيه كلافه وتعب عليك وحتى لو فيه كلافه رز لنا الصوره رقم 35 من جوالك :ff1 (41): اقامه ممتعه يَ باشا وجلد جميل لك :ff1 (171):

هلا هلا
بالمهلي

والله طحت ومحدش سمى عليك
الله يكفيني شرك

بس كان جابوا كرسي اكبر احسه حاشرك مرا
وانا قلت كذا برضه عشان اتبحبح شويا في الجلسه
وآخذ راحتي :ff1 (15):

بسم الله
1- موقف غير من نايف الكثير ..؟

هو ذا الموقف اللي ماانساه طول عمري
اول مادرست وبعد كم يوم من الدراسه بديت اتملل من جو
المدرسه والنوم بدري وقومة الصبح
قلت ياولد مابدهاش لازم اتخلص من الاجواء
الغير مريحه ذي باسرع وقت ..وصرت اتشكوى دايم بالبيت
المدرس الفلاني ضربني والمدرس العلاني سوالي
زورا وبهتانا
وخلاص مابي المدرسه .. بس للاسف محد معطيني وجه
وبيوم جيت من المدرسه وعندي واجب
كان كتابة الحروف الهجائيه وكلمات تبدأ فيها وكذا
قلت بس اليوم المعركه الفاصله بالبيت
راح اقلهم ماني عارف للواجب وان رحت وماني حالّه
المدرس بيجلدني ..
المهم بديت اتشكوى والدموع اربع اربع
جا الوالد الله يحفظه يعلمني سو كذا
وذي تنكتب كذا .. اكتب الحرف وقدامه الكلمه
اللي تبدأ بنفس الحرف زي ماهو في الكتاب
وانا ماغير ممسكها صمله وعناد
وردك لايختلف ياولد ... مااااااا أعرف ..
ياقلبي ياعيني ان حليت واجبك وصرت شاطر
بوديك .. بجيبك .. بشتريلك .
وانا ابدا مستحيل لارضوخ امام المغريات
يوم قفلتها معه قلي طيب والحين ؟
وش تبي ؟ اخلص علي ... قلت ببطل
قلي بسس ..! كيفك على هواك بتبطل بطل ..
ياسلاااااااام انا بذي اللحظه تشققت من الفرحه
اخيرا تحقق الهدف.
وانا بوسط فرحتي العارمه خلاني وراح .
قلت تمام الحين ياولد اجيب المقص
واتكي لكتاب العلوم واقص صور الطيور
والحيوانات كل ابوها والزقهم بغرفتي ..
وبينما انا في تلك الاحتفاليه مع نفسي
ماحسيت الا الخيزرانه متواسيه على ظهري :ff1 (33):
الا وانا اتقلب في سريري من لسعة الخيزرانه
اييييييييييييي ياظهري
والوالد يقلي هاه باقي معزم بتبطل؟
قلت لااااااااااا خلاص ابوي خلاص والله
تعرف تحل الواجب؟
ايه ايه اعرف ... :ff1 (186):
ايه تمام عفيه ع الشاطر لاعاد اسمع كلمة ببطل
ان سمعتها مره ثانيه جبتلك بدل الخيزرانه ثنتين
والحمدلله كان موقف جميل ودفعه معنويه منيله
لها اثر ايجابي اني خلصت الجامعه .
واتوقع لو آخذ جرعه ثانيه الحين بخلص ماستر
ودكتوراه


2- فلسفتك فِ الحياة .. شنو ..؟

‏ ﻻ‌ تفسد فرحتك بالقلق، وﻻ‌ تفسد عقلك بالتشاؤم،
وﻻ‌ تفسد نجاحك بالغرور، وﻻ‌ تفسد تفاؤل اﻵ‌خرين بإحباطهم،
وﻻ‌ تفسد يومك بالنظر إلى اﻷ‌مس!

3- لو مَ دخلت نظم معلومات شنو كنت بتدخل ..؟
علوم الطيران كانت رغبه تراودني
ولكن لمعارضة امي الشديده الله يحفظها
وعدم رضاها بفكرة الابتعاث حينها
تخليت عن تلك الرغبه .


4-اذا مَ فيه كلافه وتعب عليك وحتى لو فيه كلافه رز لنا الصوره رقم 35 من جوالك
للاسف الصوره رقم 35 طلعت صوره خاصه خفايا
واللي بعدها واللي قبلها كمان
فسدحتلك اللي بعد بعدها

‏



اقامه ممتعه يَ باشا وجلد جميل لك
متشكرين ياخفخف هانم على الزياره
والامنيه القميله
تتمتعي بالصحه والعافيه يارب
وعقبال مااشوفك متربعه هنا

أطياف الفرح ,سمو المجد ,الحنونه و 1 آخرون معجبون بهذا

خفايآ روح~••