البارحه كلمتني بنت مبليه
معاملتها بصراحه معي تعبانه
قالت: سلام وقلت: أهلين يابنيه
قالت: بغيت البنات وقلت : غلطانه
قالت: بلاشي دلع روح ناد بدريه
وأن كان هي نايمه صوت لسلطانه
قلت: بصراحه ترانا عزوبيه
والكل منا يابنت الناس في شانه
قالت: بغيت أسولف أذا تسمح شويه
انا قبل أتصل بك كنت طفشانه
قلت : أهرجي زين وصفي النيه
وأنا بسولف عليك بنية زينه
قالت: بغيت أسألك وش بعد سوريه
والهند كانك ذكي وش كثر سكانه...؟؟؟
قلت: بصراحه ما أعرف الا البجاديه
وأعرف من حد مكه لين غيلانه
قالت: تحب....؟!!
قلت " أحب اللي حواليه
وأحب ربي وأحب الكنق وأخوانه
وأحب ديني وأحب أرضي السعوديه
محبة ماعطاها الخل خلانه
قالت : بضحكه ورى أخلاقك تجاريه
أصلآ أنا يوم أسولف معك خسرانه
وأنت بدوي ماتعرف الرومانسيه
وكل أبدوي حياته مالها خانه
قلت: أسمعي يابنت أن كنتي طبيعيه
والظاهر أنك يابنت الناس سكرانه
أنا بدوي ماحنيت الراس موليه
الا لربي عزيز الجاه سبحانه
حنا بدو بدو وأن ثارت الهيجا
نثبت ألياخالط البارود دخانه
حنا بدو بدو دايم نارنا حيه
نزعل أليا صك راعي البيت بيبانه
حنا بدو أليا كوينا ننضج الكيه
يفرح بنا اللي غدا ذوده وحيرانه
العرض العادي
