حيرتي الآن ما بين ودي أقوم أسوي قهوتي
و أروق و بين إن عندي مهام بيومي وودي أنجزها
ثم أكافىء نفسي بالقهوه،
عقلي يقول أنجزي المهام و قلبي يقول أختاري راحتك وروقي
وحسب الأحصائيه اللي سويتها ما بين عقلي و قلبي
أخترت قلبي مع إني عارفه محد موديني بداهيه غيره
بس ما أقدر أخالف أوامره.
فيني طبع غريب ماقد أعترفت فيه حتى بيني وبين نفسي،
لكن لما تكرر أستوعبته ولاحظته،
اللي هو إني ما أتقبل أتفرج على مقاطع من أشخاص معينه
لأني ما أحس بتقبّل لأي شيء منهم
حتى لو المقاطع تستاهل أشوفها
أتجاهلها -غصب عني- لكن ضميري يأنبني على تصرفي هذا
خصوصاً لما يسألوني شفتي المقطع؟ وش رايك؟
مايكون عندي رد بس أحاول أتهرب من الإجابه،
أو مرات أشوف لكن تعليقي مايكون التعليق المُنتظر
من كمية البرود اللي فيه
كل هذا لأني مو متقبله الأشخاص!
أستغرب ليييه عدم التقبل مني تجاههم
بس أهوّن على نفسي بجملة"القبول من الله"
و أهجد،
بس تذكرت من سنه لما تجاهلت مقطع لـ وحده وصارحتها اني ماشفته
أول ماشافتني راحت تجهز لي المقطع اللي ماشفته
و خلتني أشوفه غصب
وحسيت إنه عقاب لي على تصرفاتي البايخه🥹.
العرض العادي
