اكتب بيت شعر على اخر حرف قصيده الى قبلك

[‏عآزفّ النّآي]

هات غيم السوالف وانهمر لي مطر
وانت تدري لغيرك كل سمعي جفاف

[علي]

فيه موت .. وفيه نار .. وفيه جنّه
وجند ربي حول عرشه والخزاين

من خذاله شي ما يدرون عنّه
ياخذونه منه وعيونه تعاين

والجميل اللي يجيك .. وفيه مِنّه
كان خافي فالصدور وكان باين

والله ان طعمه على المجبور كنّه
الطعام اللي يقدّم للرهاين

- عساف بن سعد

[علي]

نعيش بـ الدنيا ونرضى بـ قدرنا
والحكم حكم الله مقدر ومكتوب

ياما عصينا الله وياما سترنا
ومن رحمته يغفر لنا كل ما نتوب

- ثامر شبيب الدقباسي

[علي]

بغيابك الورد مات وصرت أنا كني
نايٍ .. تعزفه رياح الحزن بغيابك

ماني بخايف تطول غيبتك عنّي
أخاف بغيابك أتعوّد على غيابك

- مشعل بن دهيم

[رسم]

،.

كم ّضحكةٍ ما كانت إلاّ لغزٍ للشخّص الفهيم
وكمّ كذبةٍ مشيّتها من باب تفكير الكبار

كم ّواحد بعامله بالمثل لكنّي عظيم
وكمّ كلمةٍ بادلتها بالصّمت وانهيت الحوار

وكمّ زلّةٍ عديّتها لو انّها جت بالصّميم
وكمّ فعلةٍ خليّتها للوقت لين الوقت دار ..!

[علي]

راسٍ مايعشق موطنه لو ارتفع يبقى ذليل
وقلوب ما تنبض بحب أوطانها فيها اعتلال

- بندر بن محيّا