اليوم صار إجتماع ف العمل سأل احد المسؤلين
ماهي المعاضل التي تعيق العمل وتقلل من الإنتاجية
الكل قام بذكر النواقص التي لاتتوفر واللي معاه يكتبون
عقبها التفت لي سألني عندك إضافة على ماذكره زملائك
قلت نعم لكن مابي اقول وتزعلون خلوني ساكت احسن
شفت في وجيههم علامات تعجب وواحد منهم تنرفز
قال مااجتمعنا إلا عشان نصحصح الأمور
قلت أجل تحملوا كلامي :
سردت اسباب اضافية وتعتبر نواقص تعيق العمل
وقلت أصعب معضله نواجهها ( انتم ) <= صدمتهم
وقمت قلت اسمحوا لي بتكلم وانا واقف
انتم تصدون عن العمل وتأجلون وماتهتمون ونتكلم ومحد يحس
ولما تجي ساعة الصفر صرتوا تطلبون إنجاز كل شيء خلال يوم!
العمل على نظام السهل الممتنع أفضل طريق للوصول إلى النتائج المرضية
تحطون الجميع تحت الضغط وتتذمرون لما تجي لجنة تكتشف أي خطأ
قالوا لأن ثقتنا بكم كامله!!
قلت كذا تقلبون الطاولة علينا من الحين ونصير غلطانين
ليش مافي برنامج تمشون عليه حبه حبه منها ننجز ومنها يكون العمل سلس
ليش تهتمون بالحضور والانصراف وماتركزون على الانتاجية
وذكرت لهم ان العامل النفسي في المقام الأول ركزوا في ظروف الناس
وأمنوا متطلباتهم المالية قبل محاسبتهم والخصم عليهم
اسعوا للخير وازرعوه بينكم وانبذوا كل من يدور زله ع أحد
قال واحد منهم بضحكه ليتنا سلمنا سألناه وصار يحاضر علينا
انتهى الإجتماع ولا ادري وش بيتخذون من إجراءات
وعساهم مايحقدون علي <= مقدم إجازه وخايف تروح عليه
العرض العادي
