اكتب بيت شعر على اخر حرف قصيده الى قبلك

[رسم]

،.

دايم انا ارضيكم ، ارضوني ولو مرّه
مع احترامي لصحبتكم وخافيها

حتىّ لو اسمائكم فالمجتمع حرّه؟
النّاس باخلاقها ماهي بساميها!

وين انت يالليّ غلب خيره على شره؟!
اللّي اليا مالت الدّنيا يقديّها..

مابيك ويّاي بالحلوه وبالمره
ابيك لجتني المره تحليّها..!

[علي]

البخل في عين البخيلين.. اقتصاد
والضعف حكمة في عيون الاجودي

واسهل عمل للفاشلين.. الانتقاد
كلٍ يسب اهل الردى حتى الردي

حتى الجبان يصير طارق بن زياد
اليا جلس على البساط الاحمدي

قولوا له ان ما سلّ سيف مْن الغماد
ماهو بذابح له عدو.. حرف أبجدي!

- جمال بن بندر

[رسم]

،.

ياليت لي جرحِ وينشاف دمّه
مير البلاء من جرح ماسال له دمّ

لو كلّ من صاح ايقظ العدل فمّه
غديت كلّي للمظاليم انا فمّ ..!

[علي]

مشكلة الانسان لا ذاق لذات الذنوب
لو يشوف الصدق ما يقدر انه ينطقه

ليت حبل الكذب يربط على لسان الكذوب
مثل مايربط على العنق حبل المشنقه !

- عبدالله بن خشمان

[علي]

هامته عن سبّة ضعوف العرب مرفوعه
وإن مدح ما يمدح ألاّ واحدٍ يستاهل

- ضويحي العماني

[علي]

لك الحمد يا رب والشكر ثم
لك الحمد ما باح بالشكر فمْ

لك الحمد في كل ما حالة
فقد خصني منك فضل وعمْ

- ابن حزم الأندلسي