• أكتب بيت شعر عـلى ذوقك •❥

[علي]

تأخر اللي من قديم العمر جاي
ليته قبل ما يدمل الجرح - بكّر

في ساعةٍ مالي بها بال نسايّ
محزني اني — ما قدرت أتذكر

م.ن

[علي]

بعض الفرص لو ان عليها توصيه
ضياعها مني ترى ما غاضني

الفرصه اللي في طرفها معصيه
تركتها لله والله عاضني

- جبّار المعاوي

[علي]

هذا الضجيج اللي زرع فيك الانصات
ما يذبح، الا من يثير اهتمامه

عط الوجع فرصة يطيب، وعط الذات
فرصة تعدّيك العتب و الملامه

- محمد بن ماجد

[آيلا]

تعززوا للـي عشيـره تنـوى
يم الشمال وحط حوران دونـه
اقفى وخـلا لـه يتيـم يلـوى
وإليه عمـامٍ ليتهـم يرحمونـه
فات الربيع وعشب الأجراد لوى
واخانة الطرشان ما يذكرونـه
يا عيد أسالك الولي كيف سوى
هو ميت والا أهلـه يرتجونـه

[علي]

ما عمر العسل جادت به الحية ام شدوق
ولامرت الريح الرواسي وهزتها

- سليمان البلوي

[رسم]

،.

انطفى نور الأمان وما غدى لـ الصّبح طاري
وابتدأ ليل الشّعر يرسل مع العتمه نذيره

مرّ في بالي شريطٍ فيه من عمري مواري
يشبة أحلام السّنين و عثرة الياس الأخيرة

• مو غريب إن السّكون يجول في سكّة نهاري
الغريب إن الصّخب في ليلي أحداثه كثيره

بين صدفه جابها العمر و وداع ب أختياري
ما عرف قلبي يطيع الواقع أو يرَضي ضميره

كنت اظن إن مرّت الأيام ب يجفّ أنتظاري
ما هقيت إن الأمل يستمطر إليا جفّ بيره

كيف صارت وحشة الغربه تغنّي في دياري
ذبلت أنوار الشّوارع و انطفت شبه الجزيره

ودي اقسى ودي انسى ودي ارسى في مساري
و أمسك يدين اليقين اللّي " تخافه كلّ حيره"..!

أمل ,علي معجبون بهذا