مكان وذكرى وصورة تحمل تفاصيل لا تغيب
دخلت ذا المكان قبل كم شهر وانا متعب نفسيا ومرهق ومحبط من امر ما طلبت كابتشينو ما اعرف اطلب غيره خخخخخ جاني الكوب مرسوم عليه شعار المحل ومعه قطعة شوكلاته فاخرة قبل كان يسألني القهوجي 😂 وانا مااعرف شي من كلامه في الاخير عرفت انه يسأل وش احب يرسم عليه يحسبني من اللي يسنبون شربته وفي رواية احتسيته بعد ذلك خخخخخ وانا اشغل السيارة حسيت بنزق وكن احد يدغدغني يقول شغل شيله
مالكم بالطويلة طول الطريق وانا راجع القن حقي مشغل يـ زين يـ بو الخلاخيل واذاخلصت اعيدها
لحظات كانت جميلة ماعمر المزاج العبيط من علي بمثلها لا اخفيكم ودي احد الايام ارجع لذات المكان عينه بس غالين هههههههههه
قبل مدة اشتريت جوال جديد اعجبني سعره وشكله اللي يشوفه يقول ايفون اخر موديل
واثاريه مايسوى خلاني اتصل بالدعم في ابشر
كل ما اجي اكمل اجراء يقول لا يمكن المتابعة
قال الموظف ماعندنا مشكله في التطبيق
يمكن المشكله من جهازك
فعلارجعت لايفوني القديم مخليه احتياط رغم الرضوض
والكدمات اللي يئن منها حدثت التطبيق لقيته وفي
ماعنده ماعند الصيني قضيت شغلي وارتحت
لمن شريت الصيني طلبت من المحل يساعدوني في نقل اللي في الايفون للجديد البائع قال لي يـ عم فيها رسوم مكبرني خلاني ارجع اشوف طختي فعلا كبرت بدت عضلات وجهي تتكسر ووووو قلت السعر مبالغ فيه يساوي ربع قيمة جهازكم هونت وجيت ماشي واسأل من فين اخرج ضعت ههههه دلوني
وفي الاستقبال شافني واحد قام شكله شافنا في الكاميرا وقال اوامرك
وش تبغى ماراح تمشي الا وخاطرك طيب قلت له على البائع وكلامه
قال اشتره وننقل كل شي هدية
وزهم البائع وابتعدت عنهم
وسبقني عند المحاسبين
ومال ع حقون الصيانة واعطاهم الجهاز الجديد وايفوني بعد تحميل تطبيق النقل وقال تنقلون له كل شي وتمت العملية
اكتشفت بعدها ان بعض الفديوهات ما تشتغل والصور اختفت التواريخ الفعليه
وجهات الاتصال اغلبها اسماء بدون ارقام هههههه
في الواقع اذا سولفت لاحد ما اعرف اختصر
اليوم الصباح باهي جميل في حضرة الشمس المشرقة مع ميل بطول كم ذراع لحهة الجنوب
مطوحة بشعاعها الذهبي تحية لـ الارض واهلها
وانتم زواري الكرام صباحكم باهي
مشرق بـ نور الأمل والتفاؤل 💐💐
مدري وش الطاري والباعث تاريخ لاينسى المهم انه سلم راسي من حجارة ام ........ الله يذكرها بالخير
السالفة : قريب لي من طمعه وحبه لـ الفلوس
قال لي قبل سنوات معنا صفقة شراء ارض
بملايين في موقع على البحر وبنحط عربون وفي نفس الوقت نبيعها بسعر اعلي ضعف ايوه قال خلك في المكتب لين اجي طلبته اروح معه هههههه وكان وقتها رمضان ابغى افطر معهم في الفندق على قولته كان معه فلوس كاش فوق 500 الف ريال
قلت له انا وانت مو حقين صفقات انا وانت ع ايجار شقق او ادارة املاك عمارة او عمارتين
ماتشوف إنا تورطنا في ذا الـ ...... لا هو راضي يدفع الايجار ولا يخلي الشقة
اعطني 100 الف استري اثاث قن الاحلام واتزوج منها
واقسطها لك خلنا من ذا الكلام المهم
باقي تقريبا ساعة قبل الافطار الاسبوع الاول من رمضان راح الفندق ع قولته
يقابل عقاريين وبتتم الصفقة وانا رحت اشتري فطور اتذكر اخذت سنبوسة اشدها باسناني مثل البلاستيك ولقيمات بالخضار ومعها حُمر هههه من سوق شعبي قريب نسيت اقول لكم
وعدني اذا تم الشراء والبيع
لي شقة مع الاثاث و سنتين قدام بلاش خخخخخ
الفلوس اللي معه جمعها من كم واحد طماع مثله
بعد الساعة ثنتين اخر الليل رجع ووجهه مو اللي راح فيه
قال لي تعال وفرط السبحة وعلمني قلت الاسمر الطويل اللي كان يجي المكتب قبل رمضان اللي لابس صديريه فيها عشرة الوان قال هو قلت له ذا من شكله دجال قال فعلا دجل علي واظنه استعمل معي سحر وصدقت انه بيضاعف لي الفلوس اللي اجيبها وقال بس انت جيب كل اللي معك وحاول تجيب اكبر مبلغ واحولها لك دولارات بالملايين وصدقته المهم وش السواة كنت باقول الصفقة في راسك بس كبيرنا
واحترمك تصدق الدجالين وحن في السالفة قال اعطيته الفلوس وغاب جوا البيت دقايق وبعدها رجع
ومعه شنطة حديد من وصفة عرفت انها ابو سمكة خخخخخخ
فتح الغطا وقربت وقال لاتلمسها شفت شي مهول مليانه دولارات
ايوه وش قال لك بعدها قال خلاص انتا يروح وعلى الساعة واحدة
يجي ياخذ فلوس الان شغل تكثير حق فلوس
قلت له ورجعت له ومالقيته
واتصلت وتلفونهم مشغول خخخخخ قال وش عرفك قلت اعرف شغل الدجالين اصلاً شفتك متعلق في الكبية اللي في راس الشارع والله لو اعرف انك رايح لابو صديريه
كان قغلت المكتب وما خليتك تروح
المهم ارشدته وش يسوي
وكان يبغاني اروح معه خايف فبها عقوبة ههههه
قلت سو بلاغ في القسم لعل وعسى ينصاد هو واللي معه في حالة مشابهة
وهذا قليل يضربون الضربة وفص ملح وذاب
المصيبة اللي ماتبرك عليها الجمال بعد يومين يقول لي
اتصل فيه ابو صديريه من برا من رقم دولي (وقتها ع ايام الكاشف في الثابت )خخخخخ ايوه وقال حصلت عند هم
حالة وفاة ويبغي يرجع ومامعه قيمة التذكرة ويبغاها بالدولار على شان يرجع نسي ياخذ معه فلوس وطلب احول له واعطاني رقم حساب احول عليه
وش رايك احول له صدقه اطالع فيه قلت له من جدك انت
مصدق ذي الخرابيط
والله لو ما انت قريبي لافلق راسك بذي الدباسه ههههههه
صاروا اللي يطلبوه اكثر من خمسة منهم زوجته
كل واحد 100 الف
في يوم جمعه وانا في المكتب بعد الصلاة ماكان عندي سكن وفيه غرفة اضافية ارقد فيها لين اتدبر وضعي
جات ام .......ههههه ومعها ولدها 13 سنه
تقول لي وينه
قلت من امس ماشفته
دادا دا كلام كثير وفي في يدها كيس له مسكه مثل رز ابو كاس اقول للولد خذ امك والله يستر عليكم اذا جا ابوك اعلمه يجيكم شارد من الويل خخخخخ مره يقول طيب ياعم ومره يا خال ههههه
اتفهم وضعه وصغر سنه نهايتها قالت اطلع وش مقعدك قلت ترين جالس بـ فلوسي ادفع ايجار الغرفة
قالت اطلع مالك جلوس المكتب حقي
قلت سمعاً وطاعة
مالي ومال الخطوط المعلقة زي مايقولوا
طلعت وركبت حمامة (سيارتي) إلا اسمع تكسير زجاج
سوتها حطمت الواجهه بالحجارة اللي في الكيس ههههه
مالكم بـ الطويله
اضطر المسكين يبيع ارض اشتراها تقسيط وسدد لها
والباقين علمهم بالسالفة الصدقية وتفهموا وقبلو يسددهم ومن عسر الى يسر ..
العرض المتطور
