ع حسب الوضع
جاك واحد فسقان طول وعرض
تقدر تفقع حط رجلك وبلغ عليه
جاك واحد مسلح وانت تهش الذبان
تقدر تفقع ولا عطه حتى ثوبكك وبلغ عليه
جاك واحد تشوف انك بتقدر عليه قاوم بعنف
ذكرتني بسالفةة عام 2007
توني مطلع كابرس جديد من الوكالةة ومبسوط فيه
قالت الوالدة زواج بنت صديقتي بحايل وعزمتني وملزمه علي نبي نروح له
وابي امر القصيم بسلم ع جارتي مسوي عمليةة
قلت ابشري واخذ امي وخالتي واختي
وامسك الخط خلصنا من القصيم بطلع لحايل اول مره بحياتي امسك طريق الشمال
وقفت بعبي بنزين بمنطقة تخرش مدري شسمهآ ~ بين القصيم وحايل
نزلت البقالةة اخذ اغراض الا وقف جمس حوض الاحمر فيه ثنين ياااااااااوك ياااااااوك
تحسهم طالعين من كهف علامات الاجرام فيهم وكبار بالعمر
وانا طالع من البقالة عيونهم علي م طاحت ناوين الشر
وربي مستعد احلف ع القرآن انهم خريجين سجون ومخدرات وملاعين جدف
م صدقت اركب السيارة واحاسب وامسك الخط اول م طلعت من المحطة لحقني ويكبس بالنور يبي اوقف
ودووووووووووووووووس الكابرس فقعت طبلونه والطريق م اعرفه اول مره بحياتي امسكه
واتصل ع امن الطرق وابلغهم واسأل فيه دورات قدامي فيه شيء تراني امشيء طبلوني
قبل حايل مدري ب 70 او 80 شفت دوريات امن الطرق طايره 3 او 4 جايين من جهه حايل
شافوهم ووقف مطارده ابن الذيناا ورجعو
م صدقت نشف ريقي مسافة طويلةة وهم يلاحقوني
وبالرجعةة مشيت بعز النهار من الخرشةة
ما كان معاي سلاح ولا كنت احب اشيله ومن بعد هالموقف
رجعت الرياض وكلمت شباب وشريت سلاح ونكبني بسفره ثانية لمكة
داخل فندق ببرج الساعة ابي السرير والنوم
نسيت السلاح بالشنطةة يوم شافوه بالجهاز امن الفندق بغو ينجلطون
سلاح سلاح سلاح ~ والله م انسى شكل الموظف يوم يقولها بصوت عالي
ما ينلام سلاح وكان بوقت هجمات لداعش ع السعودية
< مدبره معه من كل جهه :ff1 (28):
عقبه وقفت سفريات بالسيارة الا اذا قريب الدمام وحوالين الرياض
الله يخلي الطيران راحة نفسيةة بلا سلاح بلا وجع راس
الموضوع معتمد ع الظرف اللي انت فيه
واضح اني تحمست مع الموضوع وسردت قصةة حياتي
يعطيك العافية وشكراً ع طرحككك
العرض العادي
