حكــاية قصيــرة ❥

[‏آلنـور]

تمشي الايام سريعاً، بل تركض و تأخذ معها وجع سنه كامله حملته على اكتافي،
و تساقط خلسة مني حين أوشكت النهاية،
نحن على مشارف النهاية، و بعد أن علمنا إن كل ما مضى مات و لا رجعة له، تشبثنا ب آخر الايام لنجعلها شاهدة على ما مضى و نعقد معها هدنة آخر العام،
" أن أكف عن الحزن و تكف الايام القادمة عن احِزاني، أن لا استقبل إلا الفرح، و تهديني هي افراحي"


هذا اتفاقنا، و هذا هو شهر التجربة
هيا يا ديسمبر كن في صفي و اقهر باقي الشهور الماضيه

محال ,نايف ,سما و 4 آخرون معجبون بهذا

الجوهرة ,رآنيا ,ابن الهيثم ,عاقل المجانين

[‏آلنـور]

في كل مره امشي خطوات للإمام،،
يكون ظاهرها جميل،، و لكن أعماقه مرهقه للغايه،،
و اعلم يقيناً، انها أفضل ما يحدث لي،،

لكن الله يدربني على الصبر،،
و انا صابرة و مكمله حياتي،،
عسى في الأيام المقبلة خير..

محال ,نايف ,سما و 4 آخرون معجبون بهذا

الجوهرة ,ابن الهيثم ,عاقل المجانين ,رآنيا

[‏آلنـور]

رساله الى 2026 : رفقاً بي

محال ,نايف ,رآنيا و 4 آخرون معجبون بهذا

سما ,الجوهرة ,ابن الهيثم ,عاقل المجانين

[‏آلنـور]

اوقات تشوف مو مفروض تشتكي، لان شكوتك تقابل ب ردود "عادي كلنا يصير معنا كذا"
تحس انك تافهه و تكبر المواضيع..

مافي حتى مجال تقولهم "طيب اسمعوني" انا ما احتاج الا طبطبة و رفع المعنويات..
حتى الطبطبه لما تجي ماهي على مزاجك <وش تبين يعني خخ

او انك ودك يتقفل الموضوع و تتمنى ما ينفتح مره ثانيه
و لا احد يسألك عن شي يخصك،،



و المعنويات كل مالها تنزل تحت،، تحاول ترفعها لكنها مربوطه بصخرة ما تتزحزح...


يا انا يا انا في هذي الحياة..
بصبر و اشوف النهايه..

محال ,سما ,نايف و 2 آخرون معجبون بهذا

الجوهرة ,رآنيا

[‏آلنـور]

قبل امس تلقيت خبر يسد النفس،، بعدها تنكدت و قمت ألوم نفسي ليه يصير معي كذا،،
و يوم جيت انام.،، صرت اقول لنفسي،، خلاص اللي صار صار مو بيدك شي..
بس اللي عليك الحين ما تصيرين خدومه و طيبه مع ناس ما تستاهل..
نمت و انا مقرره اصير شريرة و أرفض كل طلب يجيني و استلعن شوي،،


و عشاني حطيت هالنيه على طول ربي ارسل لي الاختبار عشان اثبت لنفسي هل بستلعن أو لا!!


المشكله ما يطلبني الا انسانه اموت عليها و ما اقدر أرفض لها طلب،،
كلمتني قالت نوره نحتاج تغطين الفرع الفلاني مديرة!!!


انا امس متفقه مع نفسي اصير شريرة و أرفض كل طلب يجيني،،
وقتها جتني البكية و الله،، قلت للبنت استنى شوي برجع اكلمك و افضفض لك قبل ما اقول ايه او لا


قفلت منها و جلست افكر في قراري و كيف كذا بهذي السرعه ربي يختبرني..

رجعت اكلمها،، و اقولها شوفي انا من أمس مقررة اكون شريرة و تجيني بالطلب هذا و تعرفين ما أرفض لك طلب

انا موافقه اغطي لكم الفرع بس عندي شرط،،
و قلت شرطي و تفهمتني البنت لأنها تعتبر من الناس القريبه مني..
و لبت لي طلبي و قلت ابشري..

قلت لعيونك و الله..

الشرط هذا بس رد اعتبار للنية اللي حطيتها،،



اتمنى من كل قلبي تكون ٢٠٢٦ خير على
و سنه حب و سلام

محال ,سما معجبون بهذا

[‏آلنـور]

امس حلمت اني ادعي لخالتي و اقول الله يشفيها،،
جتني وحدة أو سمعت صوت يقولي لا تقولين الله يشفيها..
قولي الله يعتني فيها..

صحيت من النوم و انا اقول الله يعتني فيها

مافسرت الحلم، بس الدعاء ريحني وخوفني بنفس الوقت،،
هل لما اقول الله يعتني فيها ماراح تشفى!

و الا عشانها في العنايه انا دعيت الله انه يكون معها و يعتني فيها،،

مدري،، بس الله يقومها بالسلامه و يشفيها و يعتني فيها..
و تصوم رمضان مع عيالها

محال ,سما معجبون بهذا