مساجلة غلاك . يمنع المنقول .✍🏽

[المعتفس]

على طاري" الكآبه" و"أدويتها "والأرق" والليل
نفثْتِ "اللي.. لها بين.. المحاني "صوله" وْجوله
فراسي للهجوس اسمع مثِل دبْك لْحوافر خيل
ومن "أجداثها" قامت.. لها" أحلام".. ""مقتوله

متأمل ,عبير معجبون بهذا

[المعتفس]

عطوه منصب وكبره قام
واصبح لحقده عليه صوت
ون عملق المنصب الاقزام
فالبوت مهما تزركش بوت

عبير ,alwafa معجبون بهذا

[المعتفس]

......طفله ولكن بعقْل كْبير
...............فيها من النار والجنّه

اشرس من السيف فِيد الزير
.............زعْلاتها رْماح منسنّه

..وآرقّ من غصْن حسّه طير
..................أدنى هبايب يهزِّنّه

ف اقبْالها الطّهْر والنوِّير
.........وف ادْبارها قْلوب منجنّه

عبير ,alwafa ,نغـم .! معجبون بهذا

[المعتفس]

أنا اللي إن همِّش فماهوب ممسوح
.............وانا ضيا ناسه وناسه ظلامه

طبعي غموض وْمشيتي كلها وْضوح
........شَرِس ..تروِّضني طَرَف ابتسامه

..في عالم الاوهام لي دوح وصْروح
...........وفْعالم الواقع لي أثقل غمامه

......كل ما لمحت لْغادتي بارق يْلوح
.........سوّى فخدّ الشعْر حزني علامه

....واللي نفث من روحه فآدم الروح
................مامرِّني يبكيك يابو دلامه

..أقسى من الدمعة على قبر مذبوح
............وامر من دهْس العدو للكرامه

عبير ,alwafa ,نغـم .! معجبون بهذا

[المعتفس]

.من كثْر ماادمى الجحود وْفاي
...أبغى العلاقات سطحيَّه

......أطهر عيوبي واجلَّ اخْطاي
..أمشي مَعَ الناس ع النِّيَّه

......لكن لَصاروا الرفاق أعداي
......ماتْكَتِّف العِشْره ايديَّه

..........من يدفع بْسيِّئَه حسناي
....... دعست فوق المثاليَّه

عبير ,alwafa معجبون بهذا

[‏متأمل]

يا معتفسنا اظن نكتب
على اخر حرف من البيت الاخير اللي قبل
وانت مدري وش تقصد

المهم اذا انا فاهم غلط فهمني :ff1 (50):

المعتفس معجب بهذا