طفولة عضو •

[الجوهرة]

لي رجعة

رُوحٌ منِ النُّور معجب بهذا

[الجوهرة]

ورجعنا


نبدأ الأسئلـــــهـ
بسم الله بدرينا

-هل كنت مشآآآآكس أو كنت على نياتك وهادئ؟؟
اللي يقول عني هاديه مايعرفني صدق
مشاكسه ثم مشاكسه ثم مشاكسه
ماهديت شوي الا من فترة

2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟
للأمانه كنت طفلة مميزه من الجهتين عند خوالي وعمي
الحفيدة الاولى :ff1 (117):

3-موقف حصلّك وأنت صغير وللحين مأثر فيك؟؟
اذكر مره كان ابوي موديني المستشفى وحنا طالعين الا رجال يصارخ يبي يدخل
ومن العصبية اغمى عليه وبطنه انتفخ
من وقتها كل مااروح لنفس المستشفى اوقف عند نفسه المكان :(

4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

مااتذكر والله

5- من أقرب طفلـ/ـة من الجماعة كانـ/ـت أقربلك؟؟
اخوي خالد

6- كم كف اخذت وانت صغير؟؟
من كثرهم مدري كم العدد بس ماكان يضربني الا ولد عمي

7- وش اكثر حلاوة كنت تحبها في طفوولتك الرائعه ؟؟
فشفاش
8- ماهو مستوى العصبية اللي كنت فيها " مرتفعة / متوسطة / منخفضة " ؟
متوسطة

10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
الاولى ، جداً

11-ماهو اكثر مكان كنت تحب تروح له ؟؟ " مدينة العاب. حديقه ... الخ
كلهم

12-ماهي اكثر لعبه كنت تحب تلعب فيهاا ؟؟
الكورة

13-هل كنت تبكي كثير ؟؟
ابكي وبس

14-ماهو اكثر فيلم كرتوون كنت تحب تشووفه ؟؟
ماركو

15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟
خالد

16-موقف صار لك ولحد الحين اذا ذكرته تضحك ؟؟
فيه صوص جابه لي عمي وربيته لين صار دجاجه
رجعت من المدرسه لقيت عمي مسويه كبسه
قسم صحت من قلب كن احد اكل ولدي

17-كنت تحب الحليب والا تشربه بالغصب ؟؟
اشربه بالغصب :(

18-كنت شاطر بالمدرسة او لا ؟؟
وصلت لمرحله معينه كنت شاطره فيها بعدين مدري وش صار

19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
والله كانت طفولة جميلة
كنت ارجع من المدرسة وانسدح في الصاله واتفرج بابا فرحان وريحه السمبوسه
لا كنت اصوم

20-كلمه دآآيمة على لسآنك!!
بعلم ابوي

21-هل هناك شخص كنت دايم تتبلى عليه يعني تسوي المصيبة وهو ينضرب ؟؟
اخوي

22-ما هو اقوى عقاب في حياتك عوقبت به ؟؟
مااذكر اني تعاقبت

23-نشيد كنت تحبه أيام الطفوله ؟؟
الله رب الخلقي

24-ماهي الموآقف اللي عرضت فيها اهلك للاحراج؟؟
اذكر مره ابوي كان عنده رجال من دوامه وطبعا مايحتاج يعرفوني لدرجه ينادون ابوي ابو الجوهرة
بعد ماخلصو اكل جلست جنب ابوي وقلت يلا اكلتو كل واحد يروح بيته

25-كيف كان اول يوم مدرسه لك بكيت ولا لا ..؟
بكيت وبس خلصت دموعي اتوقع
جلست شهر كل يوم اصيح

26-ضعت في مكان؟ .. سوق او حديقه .. اذا اي قول لنا السالفه ..؟...
لا الحمدلله

27-ماهي اجمل هديهـ خذيتها في طفولتك...ومانسيتها ابد...؟!
صوص جابه لي عمي الله يرحمه


29-بصراحهـ من كنت تحب بطفولتك اكثر امك ولا ابوكـ....؟!

ابوي

30-موقف سويته ..والى الحين مااحد يدري عنه ؟
مافيه والله

31-مين اعز صديق طفولة و الى الان متواصل معه؟
ولد الجيران محمد الله يذكره بالخير
مافيه اي تواصل
32- نقدر نشوف صورتك وانت صغير ؟
اكثر طفل تصور انا عند جميع الجماعه
بس ماراح اوريكم


نختار عبادي

رُوحٌ منِ النُّور ,طقاقة أم عنبر ,متأمل و 1 آخرون معجبون بهذا

رآنيا

[رُوح]

اها يعني طلعتي مشاكسة عكس توقعي ههههه
أنا من مشاركاتج في المنتدى قلت شكلها هادية ومسالمة
وبعد حسيتج أنطوائية جداً 😊

بس حلوة طفولتج وأجوبتج جميلة

يعطيج العافية ع المشاركة 🌸👍🏻

وبانتظار عبادي
بس منو عبادي ؟ ما عرفته
هو نفسه الولهان عبدالله ولا في غيره ..؟

[alwafa]

	المشاركة الأصلية كتبت بواسطة رُوحٌ منِ النُّور

	اها يعني طلعتي مشاكسة عكس توقعي ههههه أنا من مشاركاتج في المنتدى قلت شكلها هادية ومسالمة وبعد حسيتج أنطوائية جداً 😊 بس حلوة طفولتج وأجوبتج جميلة يعطيج العافية ع المشاركة 🌸👍🏻 وبانتظار عبادي بس منو عبادي ؟ ما عرفته هو نفسه الولهان عبدالله ولا في غيره ..؟

•'






لا غير
تقصد طليطل ،

رُوحٌ منِ النُّور معجب بهذا

[‏طُليْطل]

نبدأ الأسئلـــــهـ

-هل كنت مشآآآآكس أو كنت على نياتك وهادئ؟؟
ابداً ماكنت هادي ، كنت من النوع اللي اجمع كل مبزرة الحارة وانا اللي انظم كل الفعاليات من ألعاب او اذية خلق الله والخ :p


2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟
كان عندي هذا الشعور خصوصاً اني الولد الاول بعد بنتين

3-موقف حصلّك وأنت صغير وللحين مأثر فيك؟؟
ما أتذكر شي صراحة ، كلها مواقف عابره

4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

٥٠٠ ريال من عمي ، وفي ذاك الوقت تعتبر مبلغ كبير على بزر ههههههه
كنت جداً سعيد ، طبعاً اللي اخذته منها ٥٠ ريال والباقي على اساس امي تخبيها لي وطارت :ff1 (38):

5- من أقرب طفلـ/ـة من الجماعة كانـ/ـت أقربلك؟؟
اختي اللي اصغر مني بسنه ، الى اليوم هي الاقرب لقلبي .
6- كم كف اخذت وانت صغير؟؟
بشكل عام وقتها المضاربات والهواش كان على طول ، يوم تضرب ويوم تنضرب ويلا ، امي كانت جلاده صراحه ، اكثر شخص ف العائلة انجلد منها انا ، بعذرها كنت صعب واستاهل :p

7- وش اكثر حلاوة كنت تحبها في طفوولتك الرائعه ؟؟
احب بسكوت تولا ، لليوم ما اقاومه .
8- ماهو مستوى العصبية اللي كنت فيها " مرتفعة / متوسطة / منخفضة " ؟
كنت شخص حار ، اعصب بسرعه وتغير هالشي مع الوقت .

10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
الثالث ، لا ما اشوف تأثير ، طفولتي كانت طبيعية .

11-ماهو اكثر مكان كنت تحب تروح له ؟؟ " مدينة العاب. حديقه ... الخ
البحر ، كان عيد بالنسبة لي

12-ماهي اكثر لعبه كنت تحب تلعب فيهاا ؟؟
الكورة

13-هل كنت تبكي كثير ؟؟
لا

14-ماهو اكثر فيلم كرتوون كنت تحب تشووفه ؟؟
جزيرة الكنز

15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟
اختي ، اصغر مني بسنه ، متفاهمين وقلبنا على بعض

16-موقف صار لك ولحد الحين اذا ذكرته تضحك ؟؟
جارتنا مصرية وجات تزور امي ، فشلتها ذاك اليوم
عمري ٤ سنوات وخقيت خقه اليمه ، تميلحت عندها واتشقلب وسويت هبال ماله اول ولا تالي ، ويوم راحت صارحت الست الوالده بحبي لجارتنا وانها اجمل ماشافت عيني ، لك ان تتخيل ياللي تقرا ردة فعل امي :p

17-كنت تحب الحليب والا تشربه بالغصب ؟؟
كل يوم مغرب اشرب حليب غنم والحياة حلوه

18-كنت شاطر بالمدرسة او لا ؟؟
متفوق الى ثالث ثانوي ، هالسنه انتكست وهي اهم سنة دراسية .

19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
يوم اصوم و١٠ افطر من وراهم .

20-كلمه دآآيمة على لسآنك!!
ما اتذكر

21-هل هناك شخص كنت دايم تتبلى عليه يعني تسوي المصيبة وهو ينضرب ؟؟
ولد خالتي ، كل المصايب الزقها فيه

22-ما هو اقوى عقاب في حياتك عوقبت به ؟؟
لي الغاز ، دايم كان يغطرف على ظهري

23-نشيد كنت تحبه أيام الطفوله ؟؟
ياليل خبرني عن امر المعاناه ، اغنيها وانا اجهل معاني مفرداتها تماماً

24-ماهي الموآقف اللي عرضت فيها اهلك للاحراج؟؟
ما أتذكر

25-كيف كان اول يوم مدرسه لك بكيت ولا لا ..؟
كنت واقف في الطابور وخابر ابوي واقف جنبي ، الا والتفت فص ملح وذاب ، صراحه فيني الصيحة بس كاتم ام المشاعر عشان لو بكيت وش يفكني من الشمّاته اللي معاي .

26-ضعت في مكان؟ .. سوق او حديقه .. اذا اي قول لنا السالفه ..؟...
لا

27-ماهي اجمل هديهـ خذيتها في طفولتك...ومانسيتها ابد...؟!
سيارة تشتغل بالكهربا ، ذاك الوقت كانت حاجة مرا مميزة وانبسطت عليها لدرجة اغسلها واهتم فيها كأنها سيارة حقيقيه وابن امه م يطلع فيها .


29-بصراحهـ من كنت تحب بطفولتك اكثر امك ولا ابوكـ....؟!

ابوي صراحه .

30-موقف سويته ..والى الحين مااحد يدري عنه ؟
مواقف لاتعد ولا تحصى ، بمعنى ياما تحت السواهي دواهي .

31-مين اعز صديق طفولة و الى الان متواصل معه؟
سلطان ، من عرفت الدنيا واحنا احباب ، عمرنا م تزاعلنا والى اليوم واحنا اخوان .
32- نقدر نشوف صورتك وانت صغير ؟
اللي وده يشوف يرسل 1 في الخاص .




في النهاية شكراً جوج على اختيارك ، واعتذر على ركاكة الاجوبة والسرد ، كتبت اجاباتي على السريع ومن الجوال .
واختار @رقـة أُنثى :)

طقاقة أم عنبر ,رقـة أُنثى ,رآنيا و 1 آخرون معجبون بهذا

رُوحٌ منِ النُّور

[‏متأمل]

يلا يا رقة انثى

رقـة أُنثى معجب بهذا