.
الساعة 10 تقريباً او 11 مَ
كنت قاعدة انا واخوتي
الثلاثة ف الصالة
فجأة 2 منتهم راحوا
نامو
واختي بعدهم بساعة قفلت
وقالت خلاص بنام
قلت خير خيرر
قالت ايش .؟
قلت معليش ماتتركيني لحالي
اجلس هنا..!
قالت استناكي.؟
قلت لا نامي هنا
ومعروفة انا خوافة
استسلمت ونامت فعلاً
ماهي الا دقايق
وقمت انا رحت صحيت
اختي التانية
قلتلها كل اخوانك
ناموا وتركوني لحالي.!
طالعت فيني قالت
مو من جدك تصحيني 12
عشان م تقعدي لحالك.!!
قلتلها والله
قالت اسري بالله
جلست جنبها
تعرفوا حركة الاطفال لمن يزعلوا
الي يحطوا يدين فوق بعض
ويبرطموا..!
سويت نفس الحركة فعلاً
وانا قدي ماسكة دموعي
من وقت ..
شافتني اختي كده
قامت جلست
مالحقت تقول ي هادي
رميت نفسي عليها
حضنتها وتركت نفسي
ابكي ..
من صدمتها
قالت بالله مين زعلك
والله ماتحرك غير تتكلمي
قمت اخفي دموعي
واضحك
قلتلها بس كده ابا ابكي..!
عشان تقومي
وواضح انها م صدقتني
وواضح اني كدابة
بس قامت اهم شي
وماقعدت لحالي..!
..!
العرض المتطور
