اهدي بيت شعر. للي في بالك. ،،!

[‏عآزفّ النّآي]

.

وتخرّجت مِلحُ البناتِ كأنها
هذا المساءُ بنورها تُضوينا
وعلا السرور يُحيطُ كل مدامعٍ
لما .. رأيتكِ للمُنى تمضينَ

[العيوق]

ماطلبت من الزمان وسطوة عْناده وجوره
‏غيرك انت وموعدٍ قمري على كوبين شاهي .

[‏عآزفّ النّآي]

واعيني اللي كل ما ذعذع من الشملي هبوب
يحلا لها لون الغروب اللي يذوب قبالها

وياويل حالي كل مايحلا لها لون الغروب
تطري لي ذيك العوب وسالفة ترحالها

وياجرِ قلبي كل ماتطري لي ذيك اللعوب
حرمت أمد ايدي على حاجه وأنا ماأقوى لها

من سافرت عني ، صدّيت عن كل الدروب
ماهو قصورٍ بالعذارى ، بس ذيك لحالها

من فارقتني ماخطف قلبي من الحورأمحَبوب
ولا لقيت الجادل اللي تستحق أحياء لها

لأن القلوب إن ماوفَت لأحبابها ماهي قلوب
والعشره اللي ماترد الروح .. ما نسعى لها

أما الوفاء اللي يستر الرجال من كل العيوب
والا الجفاء اللي يستر عيوب العرب فرجالها

ماأقسى من فراق الحبايب إلا فراق ديارها
ويلي على اللي كل ماتزعل تشد رحالها

اللي مذيَرها العتب .. لا شبَت بصدري شبوب
عيَيت أراضيهـــــا وهي عيت تطــوّل بالهـــــــــا

كانت معي مثل النصيب يحدّني من كل صوب
كانت دروبي من متاهات الضلل .. لظلالها

كانت هروبي لاشعرت أني بحاجة للهروب
كانت سماي اللي ليا ضاقت عليّ ألجا .. لها

ليه اتحّداني وأنا في كل الأحوال مغلوب
ليه احرمتني من قهر عذالي وعذالها

ليه اتجاهلني وانا ماني جبان ولا كذوب
ليه ارخصت دمعي وأنا اللي ما بكيت إلا لها

ماترحم اللي له سنه كنّه على النار محطوب
ماهزها دمع الفقيد اللي بكته اطلالها

ماخافت تهدم السنين اللي بنتنا طوب طوب
مافكرت تشفق على حالي وترحم حالها

قولوا لها لو ماتذوب أنا بخليها تذوب
قولوا لها لو ماعنت لي مستعد اعنالها

اليا ادمحت لي هالخطا بدمح لها كل الذنوب
وإن جابت الحسنه معي تبشر بعشر أمثالها

افرش لها صدري وطن واجمع من ضلوعي شعوب
وارقى لها مكانة محدٍ قدر يرقى لها

إن كانّي مخطي فأنا ماني خليّ من العيوب
الذنب يغفر والبشر تجزا بقدر اعمالها

البعد قاسي والفراق يضيّق الصدر الرحوب
وأنا تعبت أدوّر الحيله وارد احتالها

قولوا لها ترجع ترى ماني على البعد مغصوب
وإلا ترى نذرٍ عليّ أنه ماهوب اشوالها

أما تجنب هالهبال وتترك البعد وتتوب
وإلا بتبشر بالهبال اللي ماهوب اهبالها

كافي زعل ترى الظروف مقفّله من كل صوب
وأنا حملت من الهموم أنواعها وأشكالها

يكفيني إني كل ماهبت على صدري هبوب
تطري لي ذيك اللعوب وسالفة ترحالها

ملامح يوسفيه معجب بهذا

[ملامح يوسفيه]

فيني شعور اكبر واعمق من البوح
بس الكلام اصغر من اللي احسه

[قيثآره]

أحب آللي محبتهم تدوم سنين مآ تنعآف
مهيب آللي محبتهم سحآبة صيف خدآعة

عآزفّ النّآي معجب بهذا

[المعتفس]

أنا يـا سيـدي .. دقـه قـديمـه
بغيت أخذ من الوقت .. وخذانـي