فيني مر شابن بتسبدي
والله احس بجمره ترقى وتنزل
ولازم افرغ
العالم متجمعين ومخيمات واحتفالات وهيصه ومروقين
حنا عكس العالم
نسوي كل امكانيات اللي تساعد ع الهيصه والروقان
مير عندنا عرب م يتذكرون كل امورهم العالقه الا ف وسط الاحتفالات
ف مخيم ومجهزه من الالف الى الياء
وتعالوا ي خوالي ي دلالي محفولين مكفولين
ورحنا والوضع تمام وزي الورد
فجأه سبحان الله
اثنين من خوالي وابوي بيدخلون ويشوفون الاوضاع عندنا
النيه كانت مرور سريع وكم تعليق شطافي
هم دخلوا والا م دخلوا
شافوا خشش خالاتي وامي
ويلا تذكروا عيالهم المتبطحين اللي م اعرسوا
ويتحلطمون
وانا واقفه زي المزهريه احتريهم يخلصون محاضرتهم الغلط بالوقت الغلط بالمكان الغلط
ي حبايب قلبي مو كل احتفال يعني زواج ولا كل طقطقه تهيضكم
فجأه ف نص انفعالهم لف علي ابوي وانتِ م منك فود
ليش م لقيتي لفلان وفلان ع كثر صديقاتك مافيه وحده
والله جتني البكيه بس مسكت عمري عشان م اكون ركيكه وانا راعية العزيمه
قعدت اتبوسم من الصدمه ومن اني أبلع بكوتي
الا خالي الثاني قال ذي
ذي شاطره بالخباله والمطامر
ابد عند الفسفسه والكركره تلقاها
بس م منها نفع
بسم الله الرحمن الرحيم
مدري مين قايل لهم اني الخطابه ام حسن
والا مكلوفه بعيالهم
"هاووو شجاكم حبايبي هدوووا اللعب
القبله وراكم
امهات شبابكم وراكم انا شكو "
والله ي ان الجغير وصل للحلق الا
بس قلت ي بنت كبر البغل وتجاغرين بين هـ الامه
انتِ خلقه انمسحت فيك الارض وانغسل شراعك
بعد سمعة الجغير .. علووووم والله
والله يوم طحنوا الحب اللي ف رأسهم
قال ابوي امشوا والله م فاد فيهم كلامنا
بس امشوا خلوا الحريم يتقهون
"لاااه صچ عاد ، م دريت "
وراحوا وانا ع حافة الجغير الا
يعني لا المكان يساعد لغسيل شراعكم
ولا موضوعكم هذا مكانه
ي خي قدروا انه اول مره اجتهد واعزمكم
م تسوووى علي
طلعت من خشمي
طلعت هم هـ الليله ابيها تخلص عشان اجاغر ف البيت :
وطلع احتفال بطعم الدموع المحبوسه
الدنيا مغبشه والاخلاق مدحدره
م يستفاد : ايها الرجال المحترمين اختاروا هواشكم لنا ف الوقت المناسب والمكان المناسب
مو م يحلى لكم الا اذا جمعنا خلق الله ونبي ننبسط ونعين خير مو تخلونا فرجه وفعالية للمعازيم
وانتِ ايتها الحرمه العزيزه
اذا قال احد من محارمك بدخل
قولي ترى فيه حرمة فلان
شخص يستحي منه عشان يهون يدخل
ويهاوشك ببيتكم انتِ وهو والجدران ولامن شاف ولا من سمع
.
العرض المتطور
