اليوم صار لي موقف محرج ودي اقوله لكم
انا مبسوط ومحرج من اللي صار
اليوم كنت افطر مع واحد من الزملاء وهو اعلى مني رتبه
المهم بعد انصراف خوياي من الطابو دخلو للمطعم
( المطعم فالدوام وانا وخويي نظام شيوخ مانصف طوابير)
المهم بعضهم معنا في نفس القسم والباقين من اقسام اخرى
كل من يمر يسلم ويجلس جنبي لين امتلت الطاوله وصارت زحمه
اللي من الاقسام الثانيه لما سلموا اعطوني كلمات ايجابيه
اللي يقول ليتك مسؤل علينا واللي يقول حي هالراس
وكثير للأمانه والغريب كلها بيوم واحد ومن اشخاص كثير
قاموا عاد اللي حولي يقولون تلومنا فيك لو نتصل كل مارحت اجازه
اللي اعلى مني رتبه قال القبول من الله سويت نفسي مو منحرج
قلت نصابين يبون يحرجوني قدامك قال لا والله انت الكل يبيك
واكبر دليل القائد يقول اذا صار هو المسؤل يقصدني طبعاً
العدد يكون قليل وكثير ناس اجازات ووقت الدوام يطلعون بدري
لكن مقدر اقوله شي لأن العمل يمشي ع اكمل وجه
هنا انا استحيت اكثر وانحرجت وقمت وطلعت من الدوام
<== حتى وهو منحرج مايستحي ويطلع بدون استئذان
الخلاصه من هالسالفه والله بعيد عن اني امدح نفسي قدامكم
لكن ف العمل والا بحياتك كلها قدم اللي تقدر عليه لغيرك
واظن اسهل شي تقدر عليه هو السلام والابتسامه
اعزلوا ظروفكم عن العمل وعن علاقاتكم الاجتماعيه
وللعلم رغم اللي ذكرته انا امارس نظام الرسميات لكن بالشكل المناسب
يعني مو كل احد لازم نعطيه وجه او نخليه يمون علينا لكن لانكون ثقيلين بزياده
التصالح مع الذات مهم لكن الرضا عن الذات أهم
والله يرضى علينا وعليكم ويوفق الجميع
العرض المتطور
