انثى معجونة ب ماء الحب

[شهد الروح]

رد: انثى معجونة ب ماء الحب

قبل كم يوم كنت كتير مخنوقة كتبت بمشاركة الي
نفسي ازور قبر خالتي الله يرحمها
مبارح اجتني بمنامي
يا الله شو متزكرة تفاصيل الحلم مع انو كان مخربش شوي .
بذكر أنها أعطت بابا مصاري خمسين دينار
وجابتلنا غدا واجت اتطل ع بابا لاننها سمعت انو مريض
كنت بالمطبخ بعمللها قهوة فاتت عليي اختي الكبيرة
واعطتني عشرين دينار حكتلي هدول من خالتو مشان عيد ميلادك.
بعدين صرخت صرخة كتير كبيرة وصرت ابكي ككككتير
واحكي ل اختي انا ما كنت اعرف انو خالتو ميتة هيها عايشة عايشة وموجودة عنا
وطلعت من المطبخ وحضنت خالتو وضليت ابكي بصوت مسموع جدا وفقت وانا عهاد الحال
بالعادة بس احلم فيها وفيق وتستوعب أنه مجرد حلم بضل ابكي

بس اليوم اول ما فقت من النوم ابتسمت و
حسيت براحة حسيت انو الحضن اللي كان بالحلم خفف ككككتير من اشتياقي ل حضنها الدافي
خالتو الإنسانة الوحيدة اللي حضنتني بهالدنيي .
بكل سلام كانت توخدني بحضنها الله يرحمها وتناديني بطتها الشلبية
كانت الله يرحمها الوحيدة اللي حبتني بهالدنيي.
كانت احن واطيب واكرم قلب بالوجود كلو
ما بتزكر انو ماما أو حد من خواتي حضنوني شي نهار
عنا عادات عجيبة وغريبة انا و عيلتي ههه

المهم
في حد فيكم بعرف سر حلمي المتكرر بالاموات؟؟؟
تيتيا الله يرحمها بعد ما اتوفت ب ٢٠١٦ كنت كل اسبوع الله يرحمها احلم فيها .
وكذلك خالي الله يرحمه٢٠١٩.ومن بعده عمي الله يرحمه٢٠٢٠.وبنت عمي الله يرحمها ٢٠٢٠
خالتو الله يرحمها ٢٠٢٢
حتى خوالي الاتنين٢٠٢٥ وعمي ٢٠٢٥اللي اتوفوا هاي السنة
حلمت بكل. واحد اكتر من حلم

كل اسبوع الا ما اشوف حد ميت بمنامي او حتى اقل

كل هول فقدناهم خلال سنين كتير قليلة

الله يرحمهم جميعا
ويسكنهم فسيح جناته
ويعطي بابا وكل اهلي الصحة والعافية

السمهري ,ابن الهيثم ,سما و 2 آخرون معجبون بهذا

شـ♞♜♕ـطرنـج ,عاقل المجانين

الموضوع الأصلي: رد: انثى معجونة ب ماء الحب || الكاتب: شهد الروح || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v]: hken lu[,km f lhx hgpf hgpf hken

[شهد الروح]

"‏تغضب كأنها ستدُمر كل شيء لكنها تبكي...تبكي فقط."

السمهري ,ابن الهيثم ,سما و 2 آخرون معجبون بهذا

شـ♞♜♕ـطرنـج ,عاقل المجانين

[شهد الروح]

كتبني احدهم في نص حزين يشبهني :

نحن أصدقاء الليل و الحزن و الاكتئاب
نحن من لا يعرف أحد حقيقتنا
و مهما اقترب منا أحد لا يحظى إلا بالقليل جدًا عنا..
نحن الوحيدين جدًا
الذين لا يملكون شخص يبكون معه على الأشياء التافهة قبل الهامة ،
نحن أولئك الذين اعتادوا الفقد و الألم و الوجع ،
أولئك الذين اعتادوا السهر دون سبب واضح ،
من لا نملك مبررًا للتأمل في السقف ، في السماء ،
في متابعة أشكال النجوم ، و قد نخلق من أشكال السحاب رفقاء لنا..
نحن أصحاب الأدمغة العتيقة التي تفشل المهدئات في سكونها ،
أولئك الذين يتعكر مزاجهم بكلمة عابرة
أصحاب المزاج المتغير بشكل متواصل
و نوبات البكاء و الحزن المفاجئ ..
نحن الذين لا يهتم أحد بنا فلم نعد نهتم لـ أمر أحد ،
نحن من اعتادوا الصمت في أشد المواقف التي تستدعي الحديث ،
نحن من لا تؤخذ كلماتنا على محمل الجد أبدًا ،
نحن من نخلق الحجج لنعتذر عن حضور الحفلات والتجمعات ،
نحن كل الأشخاص الذين يسيرون في الشوارع وقت هطول المطر ،
من يبكون في غرفتهم مساءً
و يستيقظون في الصباح كما لو أنهم لم يبكوا لساعات ،
نحن أصحاب الرسائل التي لم ترسل ، و الوجع الذي لا ينطق ،
و الأمنيات التي لم تتحقق..
نحن الوحيدين جدًا
نحن من لا نملك إلا قلوبًا مكسورة و أحلامًا محطمة
و أمنيات أصبحت في طوق النسيان ..
نحن المنسيين لكن لا ننسى ،
الموجوعين الذين لا يقدرون على إيلام أحد ،
و المسالمين حد اعتداء البعض على مشاعرنا دون رد فعل منا..
نحن الوحيدين جدًا في كل شيء ،
في عزلتنا ، في لحظات اكتئابنا ،
و لا يعرف أحد عن أوجاعنا ،
نحن من نبكِ في صمت و نتألم في صمت
و نصرخ في صمت ..
نحن المزاجيين المصابين بلعنة التفاصيل
و الوسواس القهري و متلازمات الخوف و القرب و الاهتمام ،
نحن صراخات الألم التي لا تسمع
و رعشات الحزن الخافية ،
نحن الذين لا نجتمع أبدًا لكن يعرف بعضنا الآخر ،
نجتمع في الحزن و الاكتئاب و السكون و الظلام الدامس ،
وسط الزحام نختبئ في المقاعد الأخيرة
و نختبئ عن نظرات الشفقة السخيفة ..
نحن الوحيدين جدًا
كـ آخر طفل على الأرض في مدينة الموتى .

وعقولة ادهم شرقاوي
السلام لقلبك

السمهري ,شـ♞♜♕ـطرنـج ,ابن الهيثم و 1 آخرون معجبون بهذا

سما

[شهد الروح]

بكرة أن شاء الله
عندي واحد من اكتر المشاوير اللي بستصعبها بحياتي
ع قد ما هو حلو بس بوترني ككككتير
وبحس أني واقعة تحت مسؤولية كككتير كبيرة
رح اروح مع ماما وأخوي لنشوف بنت لأخوي حبيبي
المشوار مو جديد عليي
كنت دائما رفيقة ماما ب رحلة بحثنا عن زوجة لمرة اخوي الكبير
بحكم انو خواتي الكبار كانوا يشتغلوا وهيك
المضحك بالموضوع اني رحت مع ماما فوق العشر مرات
والمرة الوحيدة اللي ما رحت فيها وقت اخوي الكبير
هي المرة اللي صار فيها النصيب هههههههه
حقيقة يجب الاعتراف فيها
(وجهي نحس)
المشكلة اللي بواجهها بهيك مشوار لما يطلبوا رأيي
كنت دائما وابدا ماشية ع مبدءين
كل الناس خير وبركة
وكل فتاة جميلة حتى وإن اختلفت معايير الجمال من شخص للآخر
بحكي الشي اللي عجبني وبمدحه
بس لو شفت اي شي سلبي ما بحب احكي عنه أو اشير اله
بحكولي روحتك هي وقلتها واحد هههههه
شو اعمل هيك بابا رباني
اشوف الاشياء الحلوة بالناس وبس
انو ما بزعل
سبق وعشت هيك موقف وكان من أصعب المواقف
ومستحيل اكون السبب باني اقطع نصيب اي حد
واولا واخيرا الأمر كلو بيد الله
والنصيب غلاب

يا رب
ارزق اخوي الزوجة الصالحة
واعطييه ع قد نيته وحنيته وطيبة قلبه وكرمه
وايثاره وإخلاصه ووفاؤه
يااااا رب
❤️

السمهري ,عاقل المجانين ,ابن الهيثم و 1 آخرون معجبون بهذا

سما

[شهد الروح]

ع سيرة انو وجهي نحس
في قصة دائما بحكيلها إياها عمي عن طفولتي
كنت وقتا مفضلة عند اعمامي لاني كنت نسخة طبق الأصل
عن تيتا الله يرحمها
بلون بشرتها وعيونها الزرق وملامحها
و ب كشرتها وشوفة حالها متل ما بتحكيلي ماما هههه
حتى خالي م عمره ناداني باسمي
كان دائما يناديني باسمها الله يرحمها
كنت احس بالغبطة والفخر
المهم ... اتفق عمي وخالي الاعزاء يفتحوا مشروع مطعم
مطعم فلافل اشهر أكلة شعبية مشهورة عنا
واكتر أكلة بحبها عمي
وبدون اي تفكير أو تردد وقع اختيار اسم المطعم ع اسمي انا

بعد شهر واحد بس المطعم أعلن إفلاسه وسكر ههههههههه
مع انو الموضوع حزين
وسمعت القصة كذا مرة
بس دايما عمي بسرد القصة بطريقة بتفرطني من الضحك
ويقوم ببوسني ع راسي
ويحكيلي :تزعليش يا .....شهد
برد عليه بكل روح رياضية وبحكيله المنحوس منحوس

السمهري ,عاقل المجانين ,ابن الهيثم و 1 آخرون معجبون بهذا

سما

[شهد الروح]

مع اني اعتزلت الغرام
لكن بتضل اقسام الشعر والنثر
والثرثرة وهذيان الحرف
جوي واجوائي
واكتر الاقسام المفضلة عندي
واي كلام بنقله لا يعبر ابدا عن حالة خاصة بعيشها
ولا هو لشخص معين


وجب التنويه
لانو هالفترة حابة انزل خواطر منقولة واشعار

وما بحب ينقال عني اني عاشقة او مجروحة من الحب
القصة وما فيها
حبي للكلمة الحلوة
والنصوص اللي بتلمس القلب

السمهري ,عاقل المجانين ,ابن الهيثم و 1 آخرون معجبون بهذا

سما