نكذب حتى نكون دائماً في الجانب الآمن ..
نكذب و نظهر امامكم , بهذا الظهور الصامد , اللذي لا يضحك , لا يتكلم و لا يشعر ,
نكذب حتى نحميكم , من اي شعور قد يأذيكم , و من الالم الذي يصاحب هذا الشعور ,
هي الحياة تختبرنا على المضي قدماً بكثير من الخيبة، و جاهزية للخسائر ..
و تبقى الروح تناضل لكي تعيش،،
الحياة لعبة، نلعبها بقلب واحد و عقل و جيوش من المشاعر،،
مشاعر متضاربه، تقوم الحرب فيما بينها بين الحين و الآخر،
قبل ان تواجه الحياة،
انا وصلت لتلك المرحلة..
التي تتساوى فيها خسائري مع مكاسبي،،
كل ما يهم ان اعيش بهدوء و حولي الكثير من الضجيج..
قلبي يريد، و عقلي لا يريد،،
و انا..!
اتركهم جانباً لأفعل ما اريد،،
تقدرون تحكون الذكريات القديمه ..!
لما تتكلمون عنه تحسون بالحنين و الا عادي ..!
بالنسبة لي , عادي جداً اتكلم عنها , ما احس بشي غير اني اضحك عليها ,,
كيف كنا نمر بمواقف كانت تزعلنا او تفرحنا وقتها و الحين هي مجرد ذكرى نبتسم لها ..
اليوم و انا ارد على نايف ,
تذكرت حبيب الطفوله .. دايم ارد على نايف بس مدري ليه هالمره انا طرا على بالي
ممكن هو يفكر فيني بنفس هذي اللحظه خخ <- هلوسه تايم
حبيب الطفوله اسمه نايف ,,
نايف ولد عمتي ..
حب بدون اعتراف , نلعب سوى و النظرات بس اللي تحكي ,,
عمره ما قالي كلام حب او اعجاب لكن كنت احس فيه ,,
بس كان اخوه يفشله اوقات قدامي ,, بس احنا جالسين ع الصامت ..
الى ان كبرنا و تغطيت و انقطعت العلاقات مررره مررره
الحبيب الثاني كان ولد الجيران اصغر مني يمكن ب اربع سنوات او خمس ..
و انا كنت اشوفه بزر ,,
المشكله ان احبابي ما يعترفون لي ,, بس الناس تفضحهم قدامي خخخ
و فيه كثير كانت نظراتهم تفضحهم بس انا وحده ثقيله
يالله ,,
سالفه لطيفه ظريفه .. و ان شاءالله يومي يكون بلطافة و رقة هالسوالف ..
اكثر شي مزعج في الحياة ,
ان بعض الاشخاص ما تقدر تعبك , و لا التغيرات اللي تحصل لك بسبب هذا التعب
ما تقدر انطفائك , و تلومك على هذا الانطفاء ..
تنسى انت ايش بالاساس ,, و تبدأ تقيمك على الحاله الجديدة اللي انت فيها ,,
بعد ما تروح الحاله , و ترجع لطبيعتك .. تبدأ تقيمك على اساس الفتره الماضيه اللي انت كنت فيها في قمة تعبك و انهزامك ,,,
مهما تشرح لهم , يقولون فاهمين و يرجعون لنفس نظرتهم ,,
هذي الناس انا احط عليها اكس و اطلعها من حياتي , و يبقى التعامل الاجباري معهم رسمي جداً
اقدر الاشخاص اللطيفه معي , و تسأل عني بلطف , و تفرح لما تشوفني راجعه لحياتي طبيعي
يدعموني بكلماتهم اللطيفه اللي ترجعني اقوى و احسن من قبل ,,
و انا لازلت اتعافى من كل شي , و اتعافى بالناس اللطيفه ..
العرض المتطور
