|
|
05-26-2023, 08:45 AM
|
#1 | |
 
|
رد: حكــاية قصيــرة ❥
كل صباح ،، احب اجلس لحالي انعزل ،، اسوي فطوري على رواقه
و اليون قررت اغير الروتين .. و افطر مع امي ،، بما انها بتسافر و تتركنا خمسه شهور من غير شر ،، تروح و ترجع بالسلامه ،، طلبنا فول و تميس و شاهي <- لازم الفطور على مزاجها 
v]: p;JJhdm rwdJJvm ❥ hgk,v p;JJhdm rwdJJvm |
|
وأنت في طريقك للبحث عن حياة، لا تنسَ أن تعيش.
— محمود درويش 
|
|
05-28-2023, 08:04 AM
|
#2 | |
|
رد: حكــاية قصيــرة ❥
انا في حرب مع نفسي ،،
و اليوم هو الفيصل يا تفوز او افوز انا متجهزة و ماخذه اسلحتي معي .. و هي ساكته و هاديه مدري وش تفكر فيه 
|
|
|
|
|
05-29-2023, 08:22 AM
|
#3 | ||||||||||||||||||||||
|
رد: حكــاية قصيــرة ❥
فزت باليوم الاول باقي عشرين يوم و اثبت نفسي لنفسي 
|
||||||||||||||||||||||
|
|
|||||||||||||||||||||||
|
05-29-2023, 09:05 PM
|
#4 | |
|
رد: حكــاية قصيــرة ❥
انا انسانه حقانيه و ما احب أظلم احد او اغلط على احد او أتجاوز حدودي
و لو صار بقصد و الا بدون قصد احب اعتذر و ابرر تصرفاتي ،، لكن لما ناس تتجاوز حدودها معي اعدي مره و ثنين و ثلاثه ،، بعد اوقف الناس عند حدها ،، مو بالكلام ،، بالتصرفات و أبين لهم ان هذي حدودكم،، و الحمدلله ان ربي عارف نيتي و حافظني، ، لاني دايم احصن نفسي و ادعي لها ،، مواقف تصير لي مع موظفين صغار ،، صغار مو بالعمر ،، صغار بالمرتبه ،، يعني انت هذي وظيفتك قدر نفسك و قدر الشخص اللي قدامك اعرف حدودك و لا تتجاوز ،، مو عشان نسكت و نعدي رأفه فيكم تحسبونه انه واجب علينا ،، مواقف كانت تصير لي مع حارس الأمن، ، كأن شايف نفسه و لا يسمع التوجيهات .. و كل ما اقول لعميله طلبات يرجع يكلمني و يقول ليه تطلبين من العميله كذا ،، يعني اللي ارجعهم يسألهم مدري هم يشتكون له قلت له انا لي ١٨ سنه و مو انت تعلمني شغلي .. بعدها استقعد و لا يسمع توجيهاتي ،، و انا ما همني لان فيه مديرة بس لما امسك مديرة يسبب لي مشاكل مع نفسه و الا مع العملاء و كنت اقول للمديرة غيريه لكن ترأف بحاله تقول مسكين صبرت قلت لها انا مالي دخل انتي تتعاملين معه .. مره من المرات ،، سوا حركه بسببها ممكن ينفصل من وظيفه حراسه أمن حركه امنيه شوي ،، ممكن لو اقول تشوفونها عادي بس هي خطرة مرة انا يومي كلها في الدوام عشته برعب ،، من تخيل الأحداث اللي كانت بتصير بس ربك ستر ،، انا كبرت الموضوع و ما سكتت الين انشال من عندنا و ربي ريحني منه الموقف الثاني مع العامله اللي عندنا .. و لازلت مكبرة راسي معها ،، تقول كلام أكبر منها و من وظيفتها و انا ساكته اخر شي تقول هذا شغلي و هذا مو شغلي ،، قلت شغلك سويه غيره مالك دخل ،، هي زفتتها معي بس انا قدرت حاجتها و لا طلبت نقلها ،، صرت ما اطلب منها حتى المويه كرهت خدمتها اذا هي بتتمنن.. اليوم الموقف تافهه بس كبرت في راسي خخخ بالعادة انا ما اشرب مويه باردة مرره أخذها من الكرتون و تبرد من المكيف .. اول ما اجي اخذ ٣ قوارير مويه و احطها جنبي ،، حطيت القوارير جنبي .. و وحده كنت فاتحتها و اشرب منها .. و رحت عن مكتبي شوي جات اختنا في الله و شالت موياتي و حطت مويه وحدة باردة !! شالت ٣ و حطت وحدة !! طيب ليه عجزت افهم ،، رحت قلت لها ليه تشيلين موياتي و تحطين وحده باردة .. لا عاد تجيبين لي مويه .. اللي صار انها اشتكتني للمديرة ،، عرفت من وحده و المديرة ما قالت لي لأن السالفه بايخه ،، بكل بساطه قلت لها لا تجيبين لي مويه المشكله اني بعد شهر بمسك إدارة ،، و هي خايفه من الحين تروح تشتكي في بالها اني بطلب تغييرها ،، و انا و الله ما جا في بالي هالشي و مقدرها حاجتها للوظيفة بس تتركني ف حالي لا تناقرني، ، انا ما اقول هالكلام تكبر او شيء ،، لكن في ناس ما تعرف قدرها زين و عارفه زي ما ربي نجاني من شر غيرها بينجيني منها الحمدلله ان عندي اكتفاء و رضا بنفسي و ذاتي و اعرف قدري زين ،، يالله هذي سالفه بما اني ما رجعت للبيت لسى 
|
|
|
|
|
05-31-2023, 07:00 AM
|
#5 | |
|
رد: حكــاية قصيــرة ❥
لا تنظر للخلف ، و تتحسر على أخطاء الماضي
و لا لتقف على اطلال الذكريات الجميلة و تحزن على انتهائها انظر للأمام.. تفائل خيراٍ في القادم لك عش بسعادة دائماً صباحكم خير :ff1 (61): |
|
|
|
|
06-02-2023, 01:35 PM
|
#6 | |
|
رد: حكــاية قصيــرة ❥
أن تحب ، هو أن تبقى متيقظاً لكل الأحداث السعيدة حولك ،،
حبو أنفسكم بالدرجه الأولى، لا تزعلونها و لا تضايقونها ،، ثانيا حبو العالم الجميل من حولكم ،، حبو الناس اللي تصنع لكم شي مميز لحياتك و حبو اشيائكم اللي تصبر عليكم وسعو نظرتكم للحب 
|
|
|
|
 |
| الكلمات الدلالية (Tags) |
| النور, حكــاية, قصيــرة |
| الذين يشاهدون محتوى الموضوع الآن : 6 ( الأعضاء 1 والزوار 5) | |
| سعود . |
العرض المتطور
|
|
الساعة الآن 08:45 AM