07-21-2022, 02:10 AM | #1 |
|
): عفستي (:
|
|
07-21-2022, 02:20 AM | #2 |
|
رد: ): عفستي (:
افااااا
تغير رمز فيسي ابو سن كان اول كذا >:m1: ومدري ماعاده فيه والا انا ماعاد أشوف هذي وكلها اربعه ايام اللي غبتها |
|
07-21-2022, 03:19 AM | #3 |
|
رد: ): عفستي (:
مستمتع بإجازتي ..صح خربت وماسافرت بس عادي أهم شي مافيه دوام
كنت ناوي اقضيها فكالفورنيا اشمعنى كالفورنيا والله مدري بس أحبها فيسي وينه ابو سن مع اني ماعمري سافرت برا بس ماسكه معي إلا أسافر لها حتى مدري اذا كتابتي لها صح كالفورنيا والا منقص والا مزود حرف المهم اني باروحها اذا الله احياني السنة ذي كلها كانت عصيبة لكنها انتهت الحمدلله بنصري كالعادة وكان باقي شوي من أثار حربها علي..وقلت آخذ فترة راحة شهر شهرين من كل شي وأسترخي..بس لني بطل حسيت اسبوع فترة كافية وكثيرة بعد علي اللي قهرني فيني الأيام اللي فاتت والسبب الرئيسي اللي خلاني افكر ابعد عن كل شي اني تلخبطت فنفسي وضيعتني يعني اول.. مااعرف صدقي من كذبي برا النت وداخل النت الأيام الأخيرة صرت اعرف كذبي من صدقي وهذي مصيبة بالنسبة لي والله الزبدة إني أعدت ضبط مصنعي وكلش تمام الحين |
|
07-21-2022, 12:41 PM | #4 |
|
رد: ): عفستي (:
-أعتقد أني وجدت كنزي. |
|
07-22-2022, 01:27 AM | #5 |
|
رد: ): عفستي (:
فحي يكثرون به المجانين قبل البارح
طلبت من بوفية ومشيت بالسيارة مسافة بسيطة ووقفت عشان آكل بعيد عن درب السيارات وفمكان مظلم شوي الا واشوف مجنون أعتدت على شوفه بنفس ترسيمته غتره وعقال على سروال وفنيلة..بس هالمرة مهو لابس فنيلة"مفصخ"معه ثلاث قوارير مويه وواضح مع حرارة الجو إنها باردة حيل ..حط الشماغ والعقال على جنب وصب القوارير على راسه وجسمه وثم رسم بشماغه وراح. وآنا آكل ومركز عيوني عليه شوي الا ويضرب واحد على القزازة بقوة..فجعني :m1: طلع مجنون ثاني بس عنده نسبة عقل شوي وأشر لي بيده وفهمت انه يبي فلوس ..فتحت الدريشه الا ويفطس ضحك ويتكلم بس مافهمت كل كلامه ..بس لما قام يأشر لي على المحل اللي كان المجنون الاول يغتسل فيه فهمت إنه يضحك عليه وفهمت بعد منه إنه يقول لي في الحي اربع مجانين غير المجنون ابو القوارير<مسوي طالع منها :m1: قسم فطست ضحك وضحكي مو على مرضهم ..الله يشفيهم ويرفع عنهم ولا يبلانا الظاهر إن الانسان طالما فيه نسبة عقل ولو بسيطة فعنده نزعة إنه يشوف نفسه أفضل من غيره ..وهذا اللي ضحكني والبلا مهو في الجنون البلا في العقل إلا طبعا من رحم ربي تذكرت شطر للشاعر سداح يقول:من يشتم المجنون ماهو بصاحي وبيت لسعد علوش العقل نعمه لكن أحيانا يسبب الانتكاس يشوفك إن العقول اليوم ماقل وندر وصباح المجانين |
|
07-23-2022, 03:32 AM | #6 |
|
رد: ): عفستي (:
منهمكة في تثبيت قناعها
وأنا منهمك في إظهار نفسي مغفل صدق أنه وجهها الحقيقي كلانا في "حفلة تنكرية" والعفسة بريئة من هذه الحفلة |
|
الكلمات الدلالية (Tags) |
عفستي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|