جنونك

جنونك

،

أنا معك من أول الضِّد للضد
أبعثر أشواقك وأعشق جنونك


أبادلك ذاك الغلا بأصدق الوِّد
واتوه واسرح في محاسن عيونك


لين الخجل لونه تمادى على الخد
واغرق تفاصيلك وِ وَرَّد بِلَوْنك


اوْطاحت النظرة على مُرْهَف القد
يوم يتثنى يشتكي من متونك


خصرٍ نحيلٍ بين ضدين ممتد
تناقضك كان السبب في فتونك


أندى من الراحة وأجمل من الورد
والشعر يتمايل يظلل غصونك


من قبل أشوفك كان كل الغلا برد
ومن يوم شفتك طحت داخل حصونك


أسير حب إن كان لازم ولا بُد
عاشق مُحال يعيش لحظة بدونك


قالت تعوّذ .. قلت عايذ من البُعد
طامع بقربك لو سجين بسجونك


خفِّي علي أخاف من سرعة الرد
أخاف من كِلْمَة تفجر سكونك


قالت أخاف تجازي الوِد بالصد
وقلبٍ يحبك يشتكي من طعونك


قلت الغلا في القلب زايد عن الحد
قالت جنوني فيك يغلب ظنونك




سُهيل

رآنيا ,متأمل ,عرفان العارف و 1 آخرون معجبون بهذا

نايف

الموضوع الأصلي: جنونك || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

[k,k;