وحدة وادي النيل الفصل السادس

وحدة وادي النيل الفصل السادس

بسم الله الرحمن الرحيم
وبه نستعين
الفصل السادس
بعد العشاء استاذن محمد منهم بالذهاب للنوم لانه بيصحى بدري عشان بيقراء قرآن وكمان الجامع بعيد شوية من البيت زى خمسة دقائق ؟ دخل غرفته واخرج جواب صديقه جادين عاوز يعرف اخباره بعد السلام كانت المفاجاة السارة ان صديقه جادين يطلب يد اخته البعده حليمة وحكى ليهو بانه كان في مامورية مع تيم تطعيم الابقار بصفته الموظف المسؤول عن اعداد الابقار وصرف الدواء وشاءت الاقدار بان يكون منطقة التطعيم هي نفس منطقتهم وهناك التقيت بالوالد والوالدة واصر العم دليل بان يكون بيته هو المقر وكنت انا الابن المشرف على خدمة التيم واعجبت بالاخت حليمة وقلت اول حاجة اكلمك انت اها رايك شنو وضحك محمد وهو يقراء ؟ وقال في سره ان شاء الله خير وصمم بكرة يقعد مع امه وابوه ويشرح ليهم الموضوع وعند الصباح قام ادم ومعه محمد بذبح الخروف الاول كرامة وصول دليل ومنصور ؟ وذهب محمد الي السوق لشراء مستلزمات الكرامة وايضاً وصل منزل صديقه واخبره بوصول والديه وعمه وزوجته وبعد قضاء اليوم وناس الكرامة راحوا ؟ جلس محمد مع امه وسالها عن اخوانه واخواته واهل الفريق الكبير والصغير وكيف الخريف كان معهم السنة الفاتت وابقارهم وامه تحكي له وتبكي وذلك لخوفها لسفر ولدها بلاد برا ويطمئنها محمد بانه ان شاء الله يرجع ليها دكتور ويعالج اهله بس رضاها عنه هو سبب نجاحه ؟ وقالت امه انا عافية منك ظاهر وباطن عفوا يخضر ضرعك وينصرك علي عدوك انت ياولدي ماك ولد رضى امشي محل ما تقبل تلقاها خضراء ؟ وهذا الدعاء ماكان ينتظره محمد زاد لغربته وسلاح يحفظه من عثرات الزمن في المستقبل ؟ وقال محمد يمة في كلام داير اقول ليك انتي وابوي ؟ وترد امه ان شاء الله خير ياولدي ؟ محمد لا خير يمة بس اكلم ابوي يجي واقول ليكم ؟ وامه في شوق لسماع الكلام نادت زوجها ؟ تعال يا دليل محمد قال عاوزك ؟ يرد محمد يمة انا براي بمشي بنادي ابوي ويجي يقعد وجاء دليل ؟ خير يا محمد ؟ ويرد خير يا ابوي اصلوا جادين ود عم عبد الله جاب لي جواب مع عمي منصور قال انه كان عندكم في موسم التطعيم وانه كان نازل هو وجاعتو معاكم في البيت والله بيشكر فيكم ؟ ويرد والده ليه انحنا عملنا شنو جادين ما زيك واحد هو ما جاء قعد معك اجازة المدرسة زمان وانتم صغار ؟ ويرد والله هو لم ينسى الكلام دا وهو يا ابوي تكتب لي وقال طالب يد اختي حليمة اها انتو رايك شنو وبعدين كمان راى حليمة ست الموضوع بس الموافقة منكم في الاول ؟ يرد ابوه والله انا ياولدي بقول مبروك واهدي امك سمعت الكلام براها ؟ وتقول امه والله ياولدي جادين طيب ود ناس وانا ماعندي مانع ؟ ويقول محمد خلاص انا بكتب ليهو جواب بالموافقة منكم انتم الاثنين وبعدين عمي منصور لما ترجعوا بالسلامة كمان يسمع راى حليمة ويكلم جادين واهله وان شاء الله لو كان في العمر بقية نكمل

الموضوع الأصلي: وحدة وادي النيل الفصل السادس || الكاتب: ابو الملكات || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

,p]m ,h]d hgkdg hgtwg hgsh]s hgtwg hgkdہ ,hp]

المبدع ابو الملكات جزيل الشكر عل
الفصول الرائعه :ff1 (27):

قصه رائعه
سلمت

في انتظار الفصل القادم بشوق
~

	المشاركة الأصلية كتبت بواسطة مۘڛۜٺـڕڀـحۡ ا̍ڸبٱ̍ڷ

	المبدع ابو الملكات جزيل الشكر عل الفصول الرائعه :ff1 (27):

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام

	المشاركة الأصلية كتبت بواسطة عبير

	قصه رائعه سلمت

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام