اسئلة خاصة بالمنتدى والادارة ..~

[خفايآ روح~••]

صباح الخيرات والليرات المنتثرات ف كل طريق تسلكونه ي رب
أطلب منك السماح والاذن ف انبثاقي وراح احاول كلامي يكون مصفصف ومنمق وان م حصل ف انتم ستر وغطا



اولاً اعترف ان الشغف عندي ميت وانه صاده عن كل شئ لظروف وتقلبات نفسية م راح اكذب واقول ظروف قاهره واقوى مني
لاوالله ولكن نقول اني انسدحت لها وتركتها تسرح وتمرح
وان شاء الله انه المتتدى بيشعلل قريب بالنشامى والسنافيين


نرجع ل المنتدى ورنوش
المنتدى كمية الراحة والسلاسه ف التعامل عجيبه
عن نفسي دائماً افقد زمام الامور وتسيطر العفوية وعدم الزبرقة
لا ف الكلام ولا المعاملة وتجيني تنبيهات انه ليش قلتِ كذا ليش فعلتِ كذا
وانا والله اني صرت اتعامل مع الاغلبيه اللي يمونون وادري امون عليهم بلا حدود
لا اني احسهم اهلي وعارفيني وباخصيني وباخصتهم
وسبب ذا يرجع للمكان وراعيته عساها للجنة الباردة


بس رنوش أتمنى تكونين صارمه شوي وشديده ف بعض الاحيان
لان طيبتك وبياض قلبك م منها والله لكن لازم تمسكين العصا من النص

وانا مع نايف ف كل كلمه قاله
لا احد يتحلطم ولا احد يقول المنتدى ميت والا م فيه تفاعل
وهو م اعطى من وقته له لو وقت قليل
ترى اليد الوحده م تصفق
هو هين محد بمجبور يجلس فيه والا يدخله
بس محد راح يسجل دخول فيه الا ان هـ المكان يعني له
والعالم فيه يهمونه
لذلك من باب اعمار هـالديار ورد المعروف للي جمعتنا كم سنه
وكانت هي السبب بعد الله بمعرفتنا بالناس الطيبه اللينه ولاوقات قضيناها
تشرح الخاطر
لازم نتساعد بالحمل ونشيله وراح نشيله وحنا مبسوطين والله لان المكان مريح


و ودنا بافكار ومسابقات غير اعتيادية وغير مكررة
لان التكرار يقتل
يعني لاحظت ان المسابقات نمطها واحد وحوافزها وحده
وهذا يقتل المتعة ويصير الامر گ روتين

ودنا بافكار مجنونه وغير عن المعتاد

اي ودي انه يصير تغيير ف الوان الاعضاء بالوان هادئه وتسر العين

وودي ان ارفاق الفيديو والصور يكون بشكل اوضح وسهل عشان الكسالى مثلي
يكون الامر لهم يلس ولايهونون بسبب التعيجز

وسلامة قلبك

طُهر. ,الولهان عبدالله ,ابن الهيثم و 2 آخرون معجبون بهذا

أمَوآج آلشَرقَيهہْ♥ ,غاردينيا