@عآزفّ النّآي;
انا عمري بالخمسين..تزوجت بعد قصة حب دامت ٤ سنين
درست تجميل لكن ما اشتغلت لاني تزوجت وخلفت بسرعه وانشغلت بتربية الاولاد
ما بقيس العمر بالسنين لاني روحي شباب ولسه بحس حالي بالعشرين
صرت تيتا وحمايه..ومتصالحه مع حالي كتير
عملت عمره ٣ مرات اخرهم قبل اقل من شهر
فنانه بالطبخ والحلويات بس حاليا ما بطبخ عن حب ورغبه
لانه وصلت مرحلة الملل من كل اشي.ههه
هاديه جدا وما بحب الناس العصبيين ابدا..وللعلم جوزي عصبي جدا لهيك بكره العصبيه والعصبيين👊
منظمه جدا ومعطاءه لأبعد حد..مستحيل اطنش عيد ميلاد حد من عيلتي ولد او بنت او حفيد الا اعمله حفله وافرحه
كتبت اكتر من ١٥ سطر انسجمت.ههه
ولو بدي اكتب بكتب للصبح
بس بكفي بلاش ازعجكو٠🤭
العرض الشجري
