أقلام مبدعة | نجم الأسبـــوع | اضافة خلفية للموضوع | إبداعاتِكم | قوانين مجتمع غلاك |
|
|
أدوات الموضوع | انواع عرض الموضوع |
05-16-2023, 05:27 AM | #1 |
|
توضيح لأعضاء منتدانا الخلوقين
السلام عليكم
بدون مقدمات بدون زبرقة كلام حاب ادخل معكم في الموضوع اخواني / اخواتي كلنا عارفين ان المشاكل والحزازيات والتحديات وفرد العضلات بين البعض دايم تجي من مواضيع الألعاب .. شبه مستحيل انك تشوف مشكله تنشب بين عضوين في موضوع ثاني المقدمه ذي هي سبب منع السوالف في الالعاب من قبل الاداره والاخت رانيا سوت موضوع الشات عشان تقلل قدر الامكان من المشاكل مو عشان تقيد حريتكم ابدا والله كلنا نسولف .. وكلنا ندخل مو منتظرين احد يضيق علينا انا مكلمكم صراحه مااضمن نفسي ولا ابري نفسي انا اولكم بتلاقون لي شطحات كثيره بالالعاب وكذاب اللي يقول لازم المنتدى يمشي بأعضاء آليين ماغير كلمه ورد غطاها لكن اللي ابي اوصله انه اذا انحدينا على التعليق على مزح مع شخص نمون عليه فيكون تعليق تعليقين وخلاص نكمل في حدود موضوع اللعبه مو نفتح سالفه ماتتقفل ونهايتها مشاكل وذا يشتكي من ذاك وذا صدره ضيق مايتحمل ويقلك انا مالي ومال المشاكل ويتوكل على الله وفلان يقعد ماسكها بصدره ويقلك انا انهنت ولا حد من الاداره اخذ حقي مستحيل ادارة المنتدى بمراقبينها ومشرفينها يقعدون يفتشون في مية موضوع في الالعاب ورا المشاركات منو قال ومنو ماقال ومن غلط على مين ولا الاداره او المراقبين والمشرفين هاوين والله يستقعدون للاعضاء ويضيقون عليهم في النهايه الهدف من اي توجيه هو راحة الأعضاء ومبني على سلبيه سابقه صارت ياخي انا والثاني والثالث وش بنستفيد اننا نقعد نراكض ورا ذا وذاك ونشوف وش يقول فلان ووش رد علان والله ورانا من مشاكلنا مايغنينا عن مناحرة الخلق ع الفاضيه والمليانه اللهم انه ذا المكان يجمعنا نتسلى ونستانس ونمشي عشان كذا نحاول انه البيئه ذي تكون بيئة تسليه واستفاده نظيفه مو بيئة معارك مين اللي يغلب فيها ومين اللي يخسر ومنو اللي يثبت انه عنده لسان مسكت ومحد يقدر عليه فيا ليت محد يعتقد انه والله اللي ماسك اداره والا مراقبه والا اشراف انه جاي يفرد عضلاته وبالتالي ياخذ منه موقف عداء ويتعامل معه باسلوب انه ماهميتني ولا فكرت فيك الموضوع مو كذا بالمره والله المنصب ذا لاوراه جاه ولا وراه مال ولا غيره عشان الواحد يستخدمه في التسلط بالعكس ادري ان في الحياه الواقعيه ناس منكم في مراكز ومناصب مرموقه واحسن من بعض اللي ماسكين مناصب هنا ولا شافوا نفوسهم على احد اما مناصبنا هنا جت والله من مبدأ تقديم خدمه للمكان لا اكثر ولا فيها اي شي يخلينا نتعامل مع الاعضاء من علو زينا زي من سبقونا خدموا المكان ومشوا وجينا بعدهم وبكره غيرنا والهدف هو تهيئة المكان لاعضاءه وزواره بعيد عن اي مشاكل فياليت تكون الصوره واضحه للجميع والموضوع مفتوح لتعليقاتكم وآرائكم ومناقشاتكم اللي في نفسه شي وده يقوله تفضلوا بعيدا عن القوانين يمكن نطلع بآراء مفيده j,qdp gHuqhx lkj]hkh hgog,rdk ggkhs hggd j,qdp kpfil |
|
الكلمات الدلالية (Tags) |
للناس, اللي, توضيح, نحبهم |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|