سؤال ياسيدات وآنسات وشنبات

[ابن الهيثم]

.


الحلف بالطلاق صفة مذمومة كثير عندنا اللي يحلفون بالطلاق احدهم الذي يكثر في كلامه الحلف بالطلاق لو مجرد سالفة يرد طلقت انك صادق كثيرين تم نصحهم وان هذا الشي مايجوز تعرفون وش قال واحد منهم قال طلقت ماعاد اطلِق ههههه ما فيه طب
..
احكي لكم سالفة ليلة السبت الفايته بعد المغرب اتصل بي واحد من الجماعة وقال عندي ضيوف تشرفني وقوام قلت بكل سرور بعد صلاة العشا رحت له سبقت الضيوف خخخخ رحب وحيا لين رحبت الارض معه
جلسني في صدر المجلس وقام هو وولده يحضرون العسل والقهوة والتمر طلبت منه ينتظر حتى يجون الضيوف رفض قرب مني صحن العسل وقال تفضل اخذت السكين وقصيت قطعه صغيره والثانية قلت الله يكرمك اكرمتني قال طلقت ان تاكل وقام يقطع قطع كبيره ههههه مره يحلف ومره يطلق وين فمي مثل فم العصفور خخخخ القطعة اقسمها اربع وهو يلزم الا اكلها كامله اخر شي صرت اترجاه قلت له طلبتك خلاص شبعت ههههههه
ولده واقف بالدله لمحته يضحك وانا انفجر اضحك وأشرق بالعسل وضاع صوتي واختنقت وأشر بيدي ابغى مويه خخخخخ ما امداهم يرجعون بالمويه من عند الباب الا وانا قدشربت فنجان القهوة وهو حار ابغى استرد العافية هههههه
جو ضيوفه وحن باقي نضحك هههه

المعتفس معجب بهذا