المخادعين

المخادعين

خلونا نتكلم عن الصفات الغالب والمظاهر الغالبه للمخادعين.. ولازم تجتمع اغلبها مع بعض.. مو تاخذين صفه او صفتين وتقولين بااااس خلاااص "اهو ده"...
وطبعا للتذكير.. لكل قاعده شوااااذ
.
- اشكالهم عاديه جدااااا
يعني تصوير السينما للشخصيه الشريره بشكل ونمط معين عيون شريره وانف الساحره كله خرط وتنميط
بالعكس.. قد تجي اشكالهم لطيفه او عاديه جدا جداااا ماتثير اي شك وريبه نحوه

- طبعا بكلامه مايثير الشك ابد.. شاطر باستخدام الكلام والعباره في الوقت المناسب والمكان المناسب
ماعنده اسلوب التهويل او التشكيك

- في وحده من أساليبهم انه يستخدمون اسلوب التذلل المبتذل
على حسب المكان او الوضع اللي فيه
ممكن تلاحظونه من بعض الشخاذين المخادعين وطريقتهم المبتذله في الطلب والتذلل.. وانتي في داخل نفسك تدرين انه نصاب

- عندهم مقدره انهم يشتت تركيزك عن هدفه الاساسي
لان بطبيعة الانسان على الاغلب مايعرف يركز الا على شي واحد
مثلا.. وانتي بالسوق تجيك وحده من النصابات تسئلك عن محل او مكان معين وانتي مركزه تدليها وتاشرين هنا ولا هنا
بينما في وراك احد قاعد يسرق من شنطتك وانتي مو حاسه

- طبعا الرقة واللطف سمه فيهم.. ابتسامات ناعمه ونظرات عاديه ماتشكك
وتقولين عليهم "وووووش حليلها".. او شكلها مايستدعي الخوف
ولا تكون موذيه.. يمكن تسمعينها تقول:"انا حتى الذبانه ما اقدر اذبحها يوجعني قلبي عليها.. حرام" 🥺

- فهم يستخدمون الافعال النبيله والخلاقه والأدب الجم حتى تصدقين انه شخص نبيل واخلاقي فعلا
ولو سمعتي عنه شي ماتصدقين فيه
وكله حتى يوقع الآخرين بشراكه ولعبته

- وعندهم مهاره شاااااطرين فيها.. وماجاءت هذي الشطاره الا من بعد التدرب
مستحيل مستحيل تقرين ملامح وجهه عشان تعرفين دواخله
في مثال الشحاذه والنصابه.. تحاولين تقرين وجههم هم صادقين كذابين ماتقدرين الا اذا اعتمدتي على حدسك

- يستعملون التفاصيل كثيرررر.. يحشونك بالتفاصيل حشو
والهدف حتى تملين وتطفشين وترخين دفاعاتك وانتباهك

- يكثر اختلاطه معك كثيررر.. حتى تقل شكوك تجاهه وتخف وتصيري ماتشكين لافيه ولا نواياه
ويختلط بكل براءه ونبل وصدق قبل مايضرب ضربته

- الاخيره... طبيعة البشر بالغالب تستخدم نمط واحد معين وخاصه النمط اللي شافت منه نجاح ونتيجة
ولانهم يعرفون هذي النقطه زين زين.. ف تلاقينهم مستحيل يستخدمون نمط واحد.. كل مره لهم نمط جديد

عطونا قصصكم اذا تعرضتو لخداع ولا نصب.. وكيف كشفتوهم وايش مشاعركم؟

.


سناب عشتار

جنرال ,عَـبوْرَهہْ♥ معجبون بهذا

الموضوع الأصلي: المخادعين || الكاتب: وفاء غلاك || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgloh]udk