صورة وأبيآت شعريه

[رسم]

،.




،.

انا الطّريق الممتلي بالمحطّات
لا تخدعك رحابتي وإمتدادي

مافي دروب التّايه الاّ المتاهات
وصوله بوادي ومشيه بوادي

غيري كثير إخترتني ليه بالذّات ؟ !!
ليه إختيارك كان غير إعتيادي

وش لون تملى بالفراغ الفراغات
ماخفت من هذا الشّغف والتّمادي

بتشوفني قدام كلّ المرايات
وبسمعك حتى لو ما تنادي.

تجمع مكاتيبي سواليف وابيات
كنّك طفل فالعيد يجمع عيادي

اعرف من الالوان لون البدايات
اخضر ويذبل ويتحول رمادي

واجهل من التّوديع كلّ العبارات
إلا فمان اللّٰه وطيّب وعادي ..!