سوالف جانبية للبنات ْ + عِنايتي لشّعري ..!

سوالف جانبية للبنات ْ + عِنايتي لشّعري ..!

[align=center][tabletext="width:900px;background-image:url('http://g-lk.com/up/do.php?img=406"][cell="filter:;"][align=center]


--



صَباح الأناقة والشِياكة على أميراتْ القلب . .
هلا والله فيكم .. يتعطر المْكان بروائح طَيبة بوجودكم
أتمنى لكم قَضاء وقتْ مُمتع هِنا عَنديَ
وتكون أحد مواضيعي لها أثر على الزائرة الجَميلة
بما اني آحب اشارك في هذا القسم وأفيد واستفيد وآتعاون على نشر الإفادة
مني او من غيري وتفاعلهم الرَائع مَعي ..
رجعت لكم انبسطوا
.. بــ رُوتين العِناية ب الشَعر ..
وايش هي مُنتجاتي المُستخَدمة واكون صريحة اني اعطي راييَ









اول شئ تعرفي شَنوع نوع شَعرك "
قبل كل شئ هو جاف او دَهني او الأثنين ممكنْ
ولمن يجف كيف يكون معكَ
ومن بعدها تقدرين تختاري بكل عِناية المُنتجات للشّعر
للإفادة ي عَسولات ..

أنواع الشعر حسب الجفاف:

الشعر الجاف:
يتميز بقلة الرطوبة والدهون الطبيعية.
يبدو باهتًا وهشًا، وأكثر عرضة للتقصف والتكسر.
قد يكون من الصعب تصفيفه والتحكم به.
يحتاج إلى ترطيب عميق باستخدام الزيوت الطبيعية ومرطبات الشعر


الشعر الدهني:
ينتج كمية زائدة من الزيوت الطبيعية.
يبدو لامعًا وزيتيًا، وقد يكون عرضة للتقصف والتساقط.
يحتاج إلى شامبو لطيف ومنتجات خفيفة لعدم زيادة الزيوت.
الشعر المختلط:
يجمع بين خصائص الشعر الجاف والدهني.
يكون دهنيًا عند الجذور وجافًا في الأطراف.
يتطلب روتين عناية خاص
حيث يحتاج إلى تنظيف خفيف عند الجذور وترطيب عميق للأطراف.





انا شَعري جافْ ويتقصف بسرعة مع اني ماأعرضة للحَرارة الإ في السَّنة
واذا فيه مُناسَبة
ف هذة مُنتجاتي المُتواضعة ..




منو اللي ماتعرف هالزيت .. دلوني عليها
من الزِيوت المشهورة وحتى الهِنديات ينصحون فيه
من ضمن الزيوت المٌرشحة دائماً
خليه 30 دقيقة واشغلي حالك ي حبيبة
ويمديك تخلصي اشغالك او تآخذي راحة و إسترخاء
ك مَنتج .. وعن نفسي
ارجع اجربة آكثر من مرة واقدر اعتمدة
ينحط اول حاجة
طبعا انتِ وزيتك الي تحبينه .. في وسط قلبي
بعد ايش تبين




الشّامبو



خَفيف على الفروة واول مرة أستخدمة
بس مَرتاحة عليه مااحس يعطيك الجَفاف آكثر
ب العكس لطيف وريحته تهبل ..
السّدر ي بنات من النباتاتْ اللي تساعد الشَعرَ وتّغذية
الشّامبو لفروة الشّعر ينحط ونعمل مساج وقتها
مش للشّعر هذة احد الأغلاط اللي كنت أسويها
ولا كان شعري يطل عليكم
وينحط بعد الزيتْ ..









البلسم يكون مُمتاز اذا كان خالي من مادة السّيليكون
بصراحة جميلل والله .. افضل استخدم لي صار مثل الحّبيب لي
حتى ريحة الشّعر تكون واضحة وحُلوة بعد الأستخدام ..
برضوا أول مرة اجربة ..
ويكون لخصلات الشّعر ويرطب ويخفف من النفشة
واي شئ خالي من السَّيليكونْ كوويس للشَعر
لاني جربت انواع بصراحة مااستفدت منها
ذا ماشاء الله تبارك الرحمن .. خُورافي
ومن ناحية السّعر ف 12 ريال اعتقد او بحدود أرفع شويات
سعرة مقبول ..
ف راح يتواجد ب السُوبر ماركتْ ان حصلتوا لا يطوفكم
ماتمشون الإ فية .. تماموو
ويناسب كل أنواع الشّعر هذا الخبر اللي يسعد
وينحط بعد الشّامبو ويترك 5 دقايق للترطيبْ




ي وجهة الخير انا وقعت في غَرامة حرفياً



اخذته ب الصّدفة ووقتها كان عُروضات في مخازن العِناية
وعُروضاتهم ماشاء الله وغير الترتيب وغير السّناعة وغير الإحتياجات
اللي تبينها مُتوفرة واقسامة اللي تخليكِ تكتفي في هالمَحل
يهبل يهبلْ من الأماكن اللي ابي اروح لها ثاني مرة ..
هذا كريم حمام زيت
اخر الخِتام ينحط لمدة مُعينة ..
لازلت مُستمرة عليه ويستخدم في الأسبوع مرة او مرتينْ
وبرضوا له دوور واللي لاحظته
انه يعطي النُعومة والترطيب للشّعر ..
وان شاء الله واتمنى يعطي الشّعر تغذية





ي بنات المّساج ضروري يحفز بُصيلات الشّعر
اخذتها من الموقع المَحبوب .. عرفتوا شئ ان
تعطيكِ الراحة وللإمانه حلو وقتها هالشُعور ماودك تقولي بس
منها إعتناء ومنها يخفف عن اي شُعور جاء لك
ويعطيك الشُعور الحُلو والسّعيد في وقتك
هذة احلى فقرة بعد الزيت تدليك ْ مُريح وهش للشّعر
وتراها مصنوعة بِخفة يعني ماتضر الشّعر ولا تقطعة لك .
جربت قبل وحدة بس ي رتني ماشفتها هذة حبيبتها ماشاء الله ..
رووقان وقتها دلعي شَعرك ممكن تشربي فنجان قهوتك بعدها
. او تشوفي مَهامك
ف مثل هالحاجاتْ ممكن البعض ماعندها وقت ْ
ف أجمعي مابين العِناية للشعر و المَهام
ف استغلي الوقتْ ..
اما للمشط ف افضل الخشب ناسبني آكثر ..
والأهم انه عاجبني مايشد الشّعر لك
وننتظر التمشيط لمن نتخلص من الرُطوبة
والترطيب مُهم ..








-

إهتمامك ب شَعرك وعِنايتك له ماتختصر على اللي عرضتهم
هذة اسمها عِناية خارجية
العناية الداخلية لمن تكوني مُحبة ومهتمة ب التغذية
والأكلات اللي لها فايدة للشّعر
وشرب الماي . عندك مُكملات غذائية ربانية في البّيت
الله خلق وسّخر كل حاجة حق الإنسان ..
وشوفي اعملي تحاليل ايش الناقص عندك
لا تأخذي اي مُكمل من مدح او من طبيب على اي برنامج
خذية من طبيبك ونصايحة ..
خليني اشوفك بعباتك في الصيدلية وجاية بدون إستشارة طبيب
احب اقول لك بعض المُكملات الغذائية اللي تزودك ب عناصر
اللي انتِ فاقدتها
ممكن وإحتمال ماتناسبك
ايوة لاتزعلي بعطيك السبب ي نظر العين ْ ..
بعضها تزيد لك من حاله الشّعر بس في اماكن ثانية غير عن المطلوبْ
وراح يزيد وزنكْ اضعاف تفتح الشهِية او تسد شهيتك
وممكن لاسمح الله لها تأثيرات سلبية
انا كنت بسويها بس أستشرت طبيبتي الله يعطيها العافية
نصحتني ب اني انا مااستخدم اي مُكمل دواء ب انواعة
اسألي قبل كل شئ لا تآخذك إنعدام ثقتك او ابرازك لجمالك الى المُنحدر
وتسبب لك اضعاف آكثر
والحين العلاجات ماشاء الله ان كانت لك المَقدرة
لانه الله العالم بظروف البعض
اما مُنتجاتي ف اسعارها كلها مقبول .. والميزانية كويسة لهم
ومثل ماشفتوا كم منتج
اعيد مش ضروري يكون عندك الكثير من المُنتجاتْ
وفيك تكتفي ب كم شغلة بس انتِ وعِنايتك وممكن تعطيك حقكْ ..
علشان تغطي مشكلة مضايقتكْ او مع الخْيل ي شقراء على قولتهم
وان شفتك في الصَيدلية راح احش رجولك انتِ واللي يعطيك الوصَفة
فاهمة ..

حلوين كذا ..
وش زيني انا يجي لي تَنمر على كشتي مرات وعادي اشوف نفسي نفس
رمزية اختنا تُوتا شعرها جميلل ماشاء الله
هذة نظرتي ولو الواقع أختلف بكيفي
يعني لحتى اكون انسانة حقيقة معاكم بعيداً عن المثالية
تحصل ولا ماتحصل ي بنات ْ !؟



جزء من اليَوم ..


وبس ي ملاذي انتِ وهي
انتبهوا ل انفسكم تمام!



المَساحة وقلبي مفتوح لكم ي بنات أفيدونا بتجاربكم
وسوالفكم اللي مااستغني عنها ..!





--


[/align][/cell][/tabletext][/align]

رآنيا ,طُهر. ,نبض غلاك و 3 آخرون معجبون بهذا

سما ,مولانا ,راما

الموضوع الأصلي: سوالف جانبية للبنات ْ + عِنايتي لشّعري ..! || الكاتب: Старий стиль || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

s,hgt [hkfdm ggfkhj X + uAkhdjd ga~uvd >>! ga~uvd [hkfdm s,hgt