هـــنا ,, حيث أكون ,, بهمسي ’’ وصمتي ’’ وسكوني ’’ وهدوء المكان ..

[طيب الاحساس]

🏠 هرجة سطوح ( جمع كلمة سطح ) للي ما يعرف يعني 😂

▪أحيانًا، كل اللي تحتاجه مو جلسة مع أحد…
تحتاج جلسة مع نفسك،
فوق السطوح،والمدينة نايمة… وأفكارك صحيّة.

▪السطوح ما يسألك،
ما يلومك،ما يقول لك: “كان المفروض تسوي…” عتابه خفيف

▪السطوح يسمعك بدون ما يقاطعك،يعطيك مجال تراجع اللي فات،
وتحضن نفسك شوية… بدون أحكام.

▪هناك فوووووق، مافي مرايات…بس يطلع لك وجهك الحقيقي،
اللي تحاول طول اليوم تخبّيه بابتسامة. احيانا تكون ابتسامة متعبة كلها مجاملات .

▪والمفاجأة؟
الحمد لله إنت بخير… أكثر مما كنت تتخيل.
بس كنت تحتاج تطلع شوية فوق،عشان تشوف الصورة كاملة… مو من زاويةالتعب.!

▪خلّي السطوح يكون مكانك الصادق،الموعد اللي ما يحتاج تنسيق،المكان اللي تقدر تكون فيه… أنت، وبس.؟

▪لأن بعض الأسئلة ما تنقال بصوت،
وبعض الإجابات… ما تنزل إلا من فوق.

أكيد السطوح إفتراضي حسب إختيارك ؟
دمتم في خير 🌹